ಮೇ 12 ನಿರಂಜನ್‌ ಮದುವೆ

ಕಿರುತೆರೆ ನಿರೂಪಕ, ನಟ ಹಾಗೂ “ಬಿಗ್‌ಬಾಸ್‌ ಸೀಸನ್‌ 4’ರ ಸ್ಪರ್ಧಿ ನಿರಂಜನ್‌ ದೇಶಪಾಂಡೆ ಕೂಡ ಮದುವೆ ಸಂಭ್ರಮದಲ್ಲಿದ್ದಾರೆ. ಬಿ.ಜಿ.ಯಶಸ್ವಿನಿ ಅವರ ಕೈ ಹಿಡಿಯಲಿರುವ ನಿರಂಜನ್‌ ದೇಶಪಾಂಡೆ ಅವರ ವಿವಾಹ ಮೇ.12 ರಂದು ನಡೆಯಲಿದೆ. ಹೆಬ್ಟಾಳ ಬಳಿ ಇರುವ ತಣಿಸಂದ್ರದ ಪಿ ಅಂಡ್‌ ಟಿ ಲೇ ಔಟ್‌ನ ಸ್ಯಾಂಡಲ್‌ವುಡ್‌ ಸ್ಟುಡಿಯೋದಲ್ಲಿ ಇವರ ವಿವಾಹ ನೆರವೇರಲಿದೆ.

ಅಂದು ಸಂಜೆ 6.30ಕ್ಕೆ ಅರತಕ್ಷತೆ ಕೂಡ ನಡೆಯಲಿದೆ. ನಿರಂಜನ್‌ ಹಲವು ರಿಯಾಲಿಟಿ ಶೋಗಳಿಗೆ ನಿರೂಪಕರಾಗಿದ್ದವರು. ಅಷ್ಟೇ ಅಲ್ಲ, ಒಂದಷ್ಟು ಸಿನಿಮಾಗಳಲ್ಲಿ ನಾಯಕರಾಗಿಯೂ ನಟಿಸಿದ್ದಾರೆ. “ಬಿಗ್‌ಬಾಸ್‌’ ಮನೆಗೂ ಹೋಗಿದ್ದ ನಿರಂಜನ್‌, ಅಲ್ಲಿಯೇ ತಮ್ಮ ಮದುವೆ ಆಗುತ್ತಿರುವ ವಿಷಯವನ್ನು ಬಹಿರಂಗಪಡಿಸಿದ್ದರು.