ಫಿಟ್ನೆಸ್‌ ಚಾಲೆಂಜ್ ಮೂಲಕ ನೆರವಿಗೆ ನಿಂತ ಭಾರತ ಮಹಿಳಾ ಹಾಕಿ ತಂಡ

ಬೆಂಗಳೂರು: ಭಾರತ ಮಹಿಳಾ ಹಾಕಿ ತಂಡ ದಿಗ್ಬಂಧನದಿಂದ ಸಂಕಷ್ಟಕ್ಕೆ ಸಿಲುಕಿರುವ ಬಡ ಜನರಿಗೆ ಸಹಾಯ ಮಾಡಲು ಟೊಂಕಕಟ್ಟಿ ನಿಂತಿದೆ.

“ಒಂದು ಫಿಟ್ನೆಸ್‌ ಚಾಲೆಂಜ್‌’ ಮೂಲಕ ನಿಧಿ ಸಂಗ್ರಹಿಸಲು ಮುಂದಾಗಿರುವ ಆಟಗಾರ್ತಿಯರು ರಾಷ್ಟ್ರಾದ್ಯಂತ ಇರುವ ವಲಸೆ ಕಾರ್ಮಿಕರ

ಕುಟುಂಬಕ್ಕೆ ಒಪ್ಪತ್ತಿನ ಊಟಕ್ಕೆ ಹಣವನ್ನು ನೀಡಲಿದ್ದಾರೆ. 18 ದಿನದ ಚಾಲೆಂಜ್‌ ಇದಾಗಿದೆ, ಇದರಿಂದ 1 ಸಾವಿರಕ್ಕೂ ಅಧಿಕ ಮಂದಿ ಬಡವರಿಗೆ ಸಹಾಯವಾಗಲಿದೆ ಎಂದು ಹಾಕಿ ಇಂಡಿಯಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಪ್ರತಿ ದಿನ ಒಬ್ಬ ಆಟಗಾರ್ತಿ  ಫಿಟ್ನೆಸ್‌ ಚಾಲೆಂಜ್‌ ನೀಡಲಿದ್ದಾರೆ. 100 ರೂ. ಅಥವಾ ಅದಕ್ಕಿಂತ ಹೆಚ್ಚಿನ ಹಣವನ್ನು ನೀಡಿ ಆ ಚಾಲೆಂಜ್‌ ಅನ್ನು ಯಾರು ಬೇಕಾದರೂ ಸ್ವೀಕರಿಸಬಹುದಾಗಿದೆ.