MAHE;ಅ.ಭಾ.ಅಂತರ್‌ ವಿ.ವಿ. ವನಿತಾ ಟೆನಿಸ್‌: ಒಸ್ಮಾನಿಯಾ ವಿ.ವಿ. ಚಾಂಪಿಯನ್‌

ಮಣಿಪಾಲ: ಮಾಹೆ ವಿ.ವಿ. ಪ್ರಾಯೋಜಕತ್ವದಲ್ಲಿ ಮಾಹೆ ವಿ.ವಿ. ಟೆನಿಸ್‌ ಕೋರ್ಟ್‌ಗಳಲ್ಲಿ ನಡೆದ ಅಖಿಲ ಭಾರತ ಅಂತರ್‌ ವಿಶ್ವವಿದ್ಯಾಲಯ ಮಟ್ಟದ ವನಿತೆಯರ ಟೆನಿಸ್‌ ಪಂದ್ಯಾ ವಳಿಲ್ಲಿ ಹೈದರಾಬಾದ್‌ನ ಒಸ್ಮಾನಿಯ ವಿ.ವಿ. ತಂಡ ಚಾಂಪಿಯನ್‌ ಆಗಿ ಹೊರಹೊಮ್ಮಿದೆ.

ಫೈನಲ್‌ ಪಂದ್ಯದಲ್ಲಿ ಒಸ್ಮಾನಿಯಾ ವಿ.ವಿ. ತಂಡ ಮದ್ರಾಸ್‌ ವಿ.ವಿ. ತಂಡ ವನ್ನು 2-1 ಅಂತರದಲ್ಲಿ ಮಣಿಸಿತು.

ವಿಜೇತರಿಗೆ ಮಾಹೆ ವಿ.ವಿ. ಕುಲಪತಿ ಲೆ|ಜ| ಡಾ| ಎಂ.ಡಿ. ವೆಂಕಟೇಶ್‌, ಸಹ ಕುಲಪತಿ ಡಾ| ಶರತ್‌ ಆರ್‌. ರಾವ್‌ ಬಹುಮಾನ ವಿತರಿಸಿದರು. ಅಸೋಸಿಯೇಶನ್‌ ಆಫ್ ಇಂಡಿ ಯನ್‌ ವಿ.ವಿ.ಯ ಪರಿವೀಕ್ಷಕ ಡಾ| ಭಾಸ್ಕರ್‌, ಮುಖ್ಯ ತೀರ್ಪುಗಾರ ಗೌರಂಗ್‌ ನಲ್ವಾಯ, ಸಂಯೋಜಕ ಡಾ| ಉಪೇಂದ್ರ ನಾಯಕ್‌, ಮಾಹೆ ಕ್ರೀಡಾ ಕೌನ್ಸಿಲ್‌ ಕಾರ್ಯದರ್ಶಿ ಡಾ| ವಿನೋದ್‌ ಸಿ., ಡಾ| ದೀಪಕ್‌ ರಾಮ್‌ ಬಾಯರಿ ಸಹಿತ ಮಾಹೆಯ ಅಧಿಕಾರಿಗಳು, ತಂಡಗಳ ತರಬೇತುದಾರರು ಉಪಸ್ಥಿತರಿದ್ದರು.