Belthangady ವಿದೇಶಿ ಕಂಪೆನಿ ಉದ್ಯೋಗ ನಂಬಿ ಲಕ್ಷಾಂತರ ರೂ. ಮೋಸ

ಬೆಳ್ತಂಗಡಿ: ವಿದೇಶಿ ಕಂಪೆನಿ ಯಲ್ಲಿ ಉತ್ತಮ ಉದ್ಯೋಗಾವಕಾಶ ಇದೆ ಎಂದು ನಂಬಿ ವ್ಯಕ್ತಿಯೊಬ್ಬರು 2.72 ಲಕ್ಷ ರೂ. ಕಳೆದುಕೊಂಡಿದ್ದಾರೆ.

ಉಜಿರೆ ಮಂಜುಶ್ರೀ ನಗರ ನಿವಾಸಿ ಕೊನ್‌ ಸ್ಟೆನಿ ಅಲ್ಫೋನ್ಸ್ ಕಾರ್ಡೋಜ (64) ಹಣ ಕಳೆದುಕೊಂಡವರು. ಅವರು ಈ ಹಿಂದೆ ವಿದೇಶದ ಕಂಪೆ‌ನಿಯಲ್ಲಿ ಉದ್ಯೋಗದಲ್ಲಿದ್ದವರು ನಾಲ್ಕೂವರೆ ವರ್ಷದಿಂದ ಊರಿನಲ್ಲಿಯೇ ಇದ್ದರು. ಫೇಸ್ ಬುಕ್ ಜಾಲತಾಣದ ಲಿಂಕ್‌ ಮುಖಾಂತರ ದುಬಾೖ ಮೂಲದ ಆಲ್‌ ಜಬೀರ್‌ ಕಂಪೆ‌ನಿಯಲ್ಲಿ ಉತ್ತಮ ಸಂಬಳದ ಉದ್ಯೋಗದ ಭರವಸೆ ನಂಬಿ ಅಪರಿಚಿತನ ಬ್ಯಾಂಕ್‌ ಖಾತೆಗೆ 2,72,621 ರೂ. ವರ್ಗಾಯಿಸಿ ಮೋಸ ಹೋಗಿದ್ದಾರೆ. ಈ ಬಗ್ಗೆ ಬೆಳ್ತಂಗಡಿ ಠಾಣೆಯಲ್ಲಿ ದೂರು ದಾಖಲಾಗಿದೆ.