ತಿಥಿ ಭೋಜನ ಈಗ ದೇಶಕ್ಕೇ ಮಾದರಿ

ಹೊಸದಿಲ್ಲಿ: ಕರ್ನಾಟಕದ “ಶಾಲೆಗಾಗಿ ನಾವು ನೀವು’ ಹಾಗೂ ಗುಜರಾತ್‌ನ “ತಿಥಿ ಭೋಜನ’ ಮಾದರಿಯನ್ನು ದೇಶಾದ್ಯಂತ ಎಲ್ಲ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳೂ ಅನುಸರಿಸುವಂತೆ ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ಮಾರ್ಗಸೂಚಿ ಹೊರಡಿಸಿದೆ.
 

ಶಾಲೆಗಳಲ್ಲಿ ಮಧ್ಯಾಹ್ನದ ಬಿಸಿಯೂಟದಲ್ಲಿ ಹೆಚ್ಚುವರಿ ಪೌಷ್ಟಿಕ ಆಹಾರವನ್ನು ಒದಗಿಸುವ ಯೋಜನೆ ಕರ್ನಾಟಕ, ಗುಜರಾತ್‌ ಸೇರಿದಂತೆ ಕೆಲವು ರಾಜ್ಯಗಳಲ್ಲಿ ಜಾರಿಯಲ್ಲಿದೆ. ತಿಥಿ ಭೋಜನ ಎಂದರೆ ನಿರ್ದಿಷ್ಟ ಶಾಲೆಯಿರುವ ಗ್ರಾಮದಲ್ಲಿ ವಿಶೇಷ ಕಾರ್ಯಕ್ರಮಗಳು ನಡೆದರೆ ಆ ಸಮುದಾಯದ ಜನರು ಶಾಲೆಗೆ ಮಧ್ಯಾಹ್ನದ ಬಿಸಿಯೂಟವನ್ನು ಒದಗಿಸುತ್ತಾರೆ.