ಬೆಸ್ತರಿಗೆ ಒಲಿದ ಅದೃಷ್ಟ: 5.5 ಲಕ್ಷಕ್ಕೆ ಹರಾಜಾದ ಮೀನು!

ಪಾಲ್ಘರ್‌: ಸಮುದ್ರದಲ್ಲಿ ಸಿಕ್ಕಿದ ಒಂದು ಮೀನು 5.5 ಲಕ್ಷ ರೂ.ಗೆ ಮಾರಾಟವಾಗಿದೆ ಎಂದರೆ ನಂಬುತ್ತೀರಾ? ನಂಬಲೇಬೇಕು. ಮಹಾರಾಷ್ಟ್ರದ ಪಾಲ್ಘರ್‌ ನಲ್ಲಿ ಇಬ್ಬರು ಬೆಸ್ತ ಸೋದರರಿಗೆ ಇಂಥ ಅದೃಷ್ಟ ಒಲಿದುಬಂದಿದೆ. ಕಳೆದ ವಾರ ಮೀನುಗಾರಿಕೆಗೆಂದು ಸಮುದ್ರಕ್ಕಿಳಿದಿದ್ದ ಅವರ ಬಲೆಗೆ ಬಿದ್ದಿದ್ದು 30 ಕೆ.ಜಿ. ತೂಕದ ಘೋಲ್‌ ಮೀನು. ಈ ಮೀನನ್ನು ತೀರಕ್ಕೆ ತಂದ 20 ನಿಮಿಷಗಳಲ್ಲೇ 5.5 ಲಕ್ಷ ರೂ.ಗೆ ಮಾರಾಟವಾಗಿದೆ. ಔಷಧೀಯ ಗುಣ ಇರುವ ಕಾರಣ ಇದಕ್ಕೆ ಭಾರೀ ಬೇಡಿಕೆಯಿದೆ.