Mangaluru;ಸಾಕು ನಾಯಿಗೆ ವಿಷ ಹಾಕಿ ಹತ್ಯೆ: ದೂರು ದಾಖಲು

ಮಂಗಳೂರು: ಸಾಕು ನಾಯಿಗೆ ವಿಷ ಹಾಕಿ ಹತ್ಯೆ ಮಾಡಿರುವ ಬಗ್ಗೆ ಪೊಲೀಸರಿಗೆ ದೂರು ನೀಡಲಾಗಿದೆ.

ನಗರದ ಕಾಪಿಕಾಡ್‌ 4ನೇ ಕ್ರಾಸ್‌ನ ನಿವಾಸಿಯೋರ್ವರು ನಾಲ್ಕೂವರೆ ವರ್ಷದ ಡಾಬರ್‌ಮನ್‌ ನಾಯಿ ಸಾಕುತ್ತಿದ್ದರು.

ಜು. 24ರ ಬೆಳಗ್ಗೆ 10.30ರಿಂದ ಮಧ್ಯಾಹ್ನ 1 ಗಂಟೆಯ ಅವಧಿಯಲ್ಲಿ ನೆರೆಮನೆಯ ಬೀಮಯ್ಯ ಎಂಬಾತ ಪೂರ್ವದ್ವೇಷದ ಹಿನ್ನೆಲೆಯಲ್ಲಿ ನಾಯಿಗೆ ಯಾವುದೋ ವಿಷ ಪದಾರ್ಥ ಹಾಕಿದ್ದು, ಅದರ ಪರಿಣಾಮ ಜು. 25ರಂದು ಅಪರಾಹ್ನ 3 ಗಂಟೆಗೆ ನಾಯಿ ರಕ್ತವಾಂತಿ ಮಾಡಿ ಮೃತಪಟ್ಟಿದೆ ಎಂದು ಉರ್ವ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಲಾಗಿದೆ.