2018ರಲ್ಲಿ ಪಾಕ್‌ನಿಂದ ಗರಿಷ್ಠ 2,936 ಕದನ ವಿರಾಮ ಉಲ್ಲಂಘನೆ

ಜಮ್ಮು : ಕಳೆದ ಹದಿನೈದು ವರ್ಷಗಳಲ್ಲೇ ಗರಿಷ್ಠ ಎನ್ನುವಂತೆ 2018ರಲ್ಲಿ ಪಾಕಿಸ್ಥಾನ 2,936 ಬಾರಿ ಕದನ ವಿರಾಮ ಉಲ್ಲಂಘನೆ ಮಾಡಿರುವುದನ್ನು ಜಮ್ಮು ಕಾಶ್ಮೀರ ದಾಖಲಿಸಿಕೊಂಡಿದೆ.

ಈ ಕದನ ವಿರಾಮ ಉಲ್ಲಂಘನೆಗಳಲ್ಲಿ 61 ಜನರು ಮಡಿದಿದ್ದಾರೆ ಮತ್ತು 250ಕ್ಕೂ ಅಧಿಕ ಜನರು ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ಇಂದು ಸೋಮವಾರ ತಿಳಿಸಿದ್ದಾರೆ.

2018ರಲ್ಲಿ ಪಾಕ್‌ ಸೈನಿಕರು ಭಾರೀ ಪ್ರಮಾಣದಲ್ಲಿ ಶೆಲ್ಲಿಂಗ್‌ ಮತ್ತು ಫೈರಿಂಗ್‌ ನಡೆಸಿದ್ದಾರೆ; ಆ ಮೂಲಕ ಭಾರತ-ಪಾಕ್‌ ಗಡಿಯಲ್ಲಿ ಶಾಂತಿ ಕಾಪಿಡುವ 2008 ಒಪ್ಪಂದವನ್ನು ಸಂಪೂರ್ಣವಾಗಿ ನಿರಸನಗೊಳಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದರು.