Advertisement
ಮಾರ್ಕ್‌ರಮ್‌ ಅವರ ಅನುಪಸ್ಥಿತಿಯಲ್ಲಿ ಮೊದಲ ಪಂದ್ಯದಲ್ಲಿ ಭುವನೇಶ್ವರ್‌ ಕುಮಾರ್‌ ಅವರು ತಂಡವನ್ನು ಮುನ್ನಡೆಸಿದ್ದರು. ಆದರೆ ಈ ಪಂದ್ಯದಲ್ಲಿ ಹೈದರಾಬಾದ್ ತಂಡವು ರಾಜಸ್ಥಾನ್‌ ರಾಯಲ್ಸ್‌ ವಿರುದ್ಧ 72 ರನ್ನುಗಳ ಬೃಹತ್‌ ಸೋಲು ಅನುಭವಿಸಿತ್ತು. ಇದೀಗ ಮಾರ್ಕ್‌ರಮ್‌ ಅವರಲ್ಲದೇ ದಕ್ಷಿಣ ಆಫ್ರಿಕಾದ ಇನ್ನಿಬ್ಬರು ಆಟಗಾರರಾದ ಮಾರ್ಕೊ ಜಾನ್ಸೆನ್‌ ಮತ್ತು ಹೆನ್ರಿಚ್‌ ಕ್ಲಾಸೆನ್‌ ಅವರು ತಂಡವನ್ನು ಸೇರಿಕೊಂಡಿದ್ದರಿಂದ ತಂಡ ಇನ್ನಷ್ಟು ಬಲಗೊಂಡಿದೆ.
ರಾಜಸ್ಥಾನ ವಿರುದ್ಧ ನಡೆದ ಆರಂಭಿಕ ಪಂದ್ಯದಲ್ಲಿ ಹೈದರಾಬಾದ್ ಪವರ್‌ ಪ್ಲೇ ವೇಳೆ ಬಹಳಷ್ಟು ಒದ್ದಾಡಿತ್ತು. ಈ ವೇಳೆ ರಾಜಸ್ಥಾನ್‌ ಒಂದು ವಿಕೆಟಿಗೆ 85 ರನ್ ಗಳಿಸಿದ್ದರೆ, ಹೈದರಾಬಾದ್ ಮೊದಲ ಆರು ಓವರ್‌ಗಳಲ್ಲಿ 2 ವಿಕೆಟಿಗೆ 30 ರನ್ ಗಳಿಸಲಷ್ಟೇ ಶಕ್ತವಾಗಿತ್ತು. ಬ್ರ್ಯಾನ್‌ ಲಾರಾ ಅವರಿಂದ ತರಬೇತಿ ಪಡೆದ ಹೈದರಾಬಾದ್ ತಂಡವು ಶುಕ್ರವಾರದ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡುವ ನಿರೀಕ್ಷೆ ಮಾಡಲಾಗಿದೆ. ದಕ್ಷಿಣ ಆಫ್ರಿಕಾದ ಆಟಗಾರರು ತಂಡಕ್ಕೆ ಸೇರ್ಪಡೆಯಾಗಿರುವುದು ತಂಡಕ್ಕೆ ಸಮಾಧಾನ ತಂದಿದೆ. ಅವರ ಬಲದಿಂದ ತಂಡದ ಬ್ಯಾಟಿಂಗ್‌ ಬಲ ವೃದ್ಧಿಯಾಗಲಿದೆ. ಮೊದಲ ಪಂದ್ಯದಲ್ಲಿ ರನ್ ಗಳಿಸಲು ವಿಫ‌ಲರಾದ ಅಭಿಷೇಕ್‌ ಶರ್ಮ, ರಾಹುಲ್ ತ್ರಿಪಾಠಿ ಅವರಲ್ಲದೇ ಮಾಯಾಂಕ್‌ ಅಗರ್ವಾಲ್‌ ಅವರು ಬ್ಯಾಟಿಂಗಿನಲ್ಲಿ ಮಿಂಚುವ ನಿರೀಕ್ಷೆಯಿದೆ. ಅವರಲ್ಲದೇ ಗ್ಲೆನ್‌ ಫಿಲಿಪ್ಸ್‌, ಹ್ಯಾರಿ ಬ್ರೂಕ್ಸ್‌ ಉತ್ತಮವಾಗಿ ಆಡಿದರೆ ಹೈದರಾಬಾದ್ ಗೆಲುವಿನ ಟ್ರ್ಯಾಕ್‌ಗೆ ಮರಳಲಿದೆ.
Related Articles
Advertisement
ರಾಹುಲ್ ಫಾರ್ಮ್ ಕಳವಳ:ಲಕ್ನೋ ಪರ ನಾಯಕ ಕೆ.ಎಲ್‌.ರಾಹುಲ್ ಅವರ ಫಾರ್ಮ್ ಕಳವಳದ ವಿಷಯವಾಗಿದೆ. ಅವರು ಆಡಿದ ಎರಡು ಪಂದ್ಯಗಳಲ್ಲಿ ಉತ್ತಮ ನಿರ್ವಹಣೆ ನೀಡಲು ವಿಫ‌ಲರಾಗಿದ್ದಾರೆ. ಆದರೆ ಕೈಲ್‌ ಮೇಯರ್ ಅಸಾಧಾರಣ ಬ್ಯಾಟಿಂಗ್‌ ಪ್ರದರ್ಶನ ನೀಡಿರುವುದು ಲಕ್ನೋಗೆ ಪ್ಲಸ್‌ ಪಾಯಿಂಟ್‌. ಅವರು ಎರಡೂ ಪಂದ್ಯಗಳಲ್ಲಿ ಅರ್ಧಶತಕ ಸಿಡಿಸಿ ಗಮನ ಸೆಳೆದಿದ್ದಾರೆ. ಅವರಲ್ಲದೇ ದೀಪಕ್‌ ಹೂಡ, ಕೃಣಾಲ್‌ ಪಾಂಡ್ಯ, ನಿಕೋಲಾಸ್‌ ಪೂರಣ್‌ ಬ್ಯಾಟಿಂಗ್‌ನಲ್ಲಿ ಸದ್ದು ಮಾಡಬಲ್ಲರು. ಲಕ್ನೋದ ಬೌಲಿಂಗ್‌ ಬಲಷ್ಠವಾಗಿದೆ. ರವಿ ಬಿಷ್ಣೋಯಿ ಈಗಾಗಲೇ 5 ವಿಕೆಟ್‌ ಕಿತ್ತ ಸಾಧನೆ ಮಾಡಿದ್ದರೆ ಇಂಗ್ಲೆಂಡಿನ ಮಾರ್ಕ್‌ ವುಡ್‌ ಡೆಲ್ಲಿ ವಿರುದ್ಧ 5 ವಿಕೆಟ್‌ ಕಿತ್ತು ಪ್ರಬಲ ಹೊಡೆತ ನೀಡಿದ್ದರಲ್ಲದೇ ಕಳೆದ ಪಂದ್ಯದಲ್ಲೂ ಮೂರು ವಿಕೆಟ್‌ ಹಾರಿಸಿದ್ದರು. ಜೈದೇವ್‌ ಉನಾದ್ಕತ್‌, ಕೆ.ಗೌತಮ್‌ ಮಿಂಚುವ ನಿರೀಕ್ಷೆಯಿದೆ.