IPL 2025: ಭಾರತ ಕ್ರಿಕೆಟ್‌ ನಾಯಕನಾಗುವ ಉದ್ದೇಶ ಪಂತ್‌ ಗಿದೆ: ಜಿಂದಾಲ್‌

ನವದೆಹಲಿ: ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದಿಂದ ಹೊರಬಿದ್ದಿರುವ ರಿಷಭ್‌ ಪಂತ್‌ಗೆ ಭಾರತ ಕ್ರಿಕೆಟ್‌ ತಂಡದ ನಾಯಕನಾಗುವ ಉದ್ದೇಶವಿದೆ ಎಂದು ಕ್ಯಾಪಿಟಲ್ಸ್‌ ಸಹ ಮಾಲಿಕ ಪಾರ್ಥ್ ಜಿಂದಾಲ್‌ ಹೇಳಿದ್ದಾರೆ.

ಪಂತ್‌ ನಿಲುವಿಗೂ, ತಂಡದ ಆಡಳಿತದ ನಿಲುವಿಗೂ ವ್ಯತ್ಯಾಸವಿತ್ತು. ಆದ್ದರಿಂದಲೇ ನಾವಿಬ್ಬರೂ ಬೇರಾಗಬೇಕಾಯಿತು. ಹಣದ್ದೇನು ಇಲ್ಲಿ ದೊಡ್ಡ ಪಾತ್ರವಿಲ್ಲ. ಅವರಿಗೆ ಐಪಿಎಲ್‌ ತಂಡದ ನಾಯಕನಾಗುವ ಮೂಲಕ ಭಾರತ ತಂಡದ ನಾಯಕನಾಗುವ ಉದ್ದೇಶವನ್ನು ಸ್ಪಷ್ಟವಾಗಿ ವ್ಯಕ್ತಪಡಿಸಿದ್ದರು ಎಂದು ಪಾರ್ಥ್ ಹೇಳಿದ್ದಾರೆ.

ಇತ್ತೀಚೆಗೆ ನಡೆದ ಐಪಿಎಲ್‌ ಮೆಗಾ ಹರಾಜಿನಲ್ಲಿ ರಿಷಭ್‌ ಪಂತ್‌ ಅವರು ದಾಖಲೆಯ ಬೆಲೆ ಮಾರಾಟವಾಗಿದ್ದರು. ಬರೋಬ್ಬರಿ 27 ಕೋಟಿ ರೂ ನೀಡಿ ಲಕ್ನೋ ಸೂಪರ್‌ ಜೈಂಟ್ಸ್‌ ತಂಡವು ಪಂತ್‌ ಅವರನ್ನು ತನ್ನ ತೆಕ್ಕೆಗೆ ಹಾಕಿಕೊಂಡಿತ್ತು.

ಇದುವರೆಗೆ ಲಕ್ನೋ ಸೂಪರ್‌ ಜೈಂಟ್ಸ್‌ ತಂಡವನ್ನು ಮುನ್ನಡೆಸುತ್ತಿದ್ದ ಕೆಎಲ್‌ ರಾಹುಲ್‌ ಅವರು ಇದೀಗ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದ ಪಾಲಾಗಿದ್ದಾರೆ. ಹರಾಜಿನಲ್ಲಿ ರಾಹುಲ್‌ ಅವರನ್ನು ಕ್ಯಾಪಿಟಲ್ಸ್‌ ಫ್ರಾಂಚೈಸಿಯು 14 ಕೋಟಿ ರೂ ನೀಡಿ ಖರೀದಿ ಮಾಡಿದೆ.