ಹ್ಯುಂಡೈ ಎಸ್‌ಯುವಿ ಇನ್ನುಮುಂದೆ ಹ್ಯುಂಡೈ ವೆನ್ಯೂ

ನವದೆಹಲಿ: ಖ್ಯಾತ ಕಾರು ತಯಾರಕ ಸಂಸ್ಥೆ ಹ್ಯುಂಡೈ ಮೋಟಾರ್‌ ಇಂಡಿಯಾ ಲಿ., (ಎಚ್‌ಎಂಐಎಲ್‌) ಮಾ.27ರಿಂದ ತನ್ನ ಎಲ್ಲ ಹೊಸ ನ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್ಸ್‌ (ಎಸ್‌ಯುವಿ) ಕಾರುಗಳಿಗೆ “ಹ್ಯುಂಡೈ ವೆನ್ಯೂ’ ಎಂದು ನಾಮಕರಣ ಮಾಡಿದೆ.

ಹ್ಯುಂಡೈ ವೆನ್ಯೂ ನಗರ ಮತ್ತು ಮಹಾನಗರದ ಕಾರು ಪ್ರಿಯರಿಗೆ ಎಲ್ಲ ರೀತಿಯ ಐಷಾರಾಮಿ ಸೌಲಭ್ಯಗಳು ಹಾಗೂ ಹೆಚ್ಚಿನ ಅನುಕೂಲಗಳನ್ನು ಹೊತ್ತು ತರಲಿದೆ. ಈ ನೂತನ ಎಸ್‌ಯುವಿಯ ಹೆಸರು, ಗ್ರಾಹಕರು ತಾವು ನೋಡಬೇಕಾದ ಸ್ಥಳವನ್ನು ಸೂಚಿಸುತ್ತದೆ.

ಹ್ಯುಂಡೈನ ಈ ಹೊಸ ಎಸ್‌ಯುವಿ ವಾಹನ ಟ್ರೆಂಡಿ, ಅನನ್ಯ, ಸೊಗಸಾಗಿ ಪರಿಪೂರ್ಣವಾಗಿದೆ. ಪ್ರಸ್ತುತ ಇರುವ ಸ್ಯಾಂಟ್ರೋ, ಗ್ರ್ಯಾಂಡ್‌ ಐ10, ಎಲೈಟ್‌ ಐ20, ಆ್ಯಕೀವ್‌ ಐ20, ಎಕ್ಸೆಂಟ್‌, ವೆರ್ನಾ, ಎಲೆಂಟ್ರಾ, ಕ್ರೆಟಾ ಮತ್ತು ಟಸ್ಕನ್‌ ಸಾಲಿಗೆ ಹೊಸ ವೆನ್ಯೂ ಸೇರ್ಪಡೆಯಾಗಲಿದೆ ಎಂದು ಸಂಸ್ಥೆ ತಿಳಿಸಿದೆ.