ಮೀನು ಆಮದಿಗೆ ಗೋವಾ ನಿಷೇಧ

ಪಣಜಿ: ಮೀನನ್ನು ಕೆಡದಂತೆ ಸಂರಕ್ಷಿಸುವುದಕ್ಕಾಗಿ ಕ್ಯಾನ್ಸರ್‌ಕಾರಕ ಫಾರ್ಮಾಲಿನ್‌ ಅನ್ನು ಬಳಸಲಾಗುತ್ತಿದೆ ಎಂಬ ಭೀತಿಯಲ್ಲಿ ಗೋವಾ ಸರಕಾರ ಮೀನಿನ ಆಮದಿನ ಮೇಲೆ ಆರು ತಿಂಗಳ ನಿಷೇಧವನ್ನು ಹೇರಿದೆ. ನಿಷೇಧ ನಿರ್ಧಾರವನ್ನು ಶನಿ ವಾರ ಇಲ್ಲಿ ಪ್ರಕಟಿಸಿದ ರಾಜ್ಯದ ಆರೋಗ್ಯ ಸಚಿವ ವಿಶ್ವಜಿತ್‌ ರಾಣೆ ಅವರು, ಮೀನಿನ ಗುಣಮಟ್ಟವನ್ನು ಪರಿಶೀಲಿಸುವುದಕ್ಕೆ ಪ್ರಯೋ ಗಾಲಯಗಳನ್ನು ರಾಜ್ಯದಲ್ಲಿ ಆರಂಭಿಸುವ ತನಕ ಅವಶ್ಯವೆನಿಸಿದರೆ ನಿಷೇಧವನ್ನು ಮತ್ತೆ ಆರು ತಿಂಗಳಿಗೆ ವಿಸ್ತರಿಸಲಾಗುವುದು ಎಂದರು.

ಇದು ರಾಜ್ಯ ಸರಕಾರ ಈ ವರ್ಷ ಎರಡನೆ ಬಾರಿ ಮೀನಿನ ಆಮದನ್ನು ನಿಷೇಧಿಸಿರುವುದಾಗಿದೆ. ಜುಲೈಯಲ್ಲಿ 15 ದಿನಗಳ ಕಾಲ ಮೀನಿನ ಆಮದನ್ನು ನಿಷೇಧಿಸಲಾಗಿತ್ತು.