ನೆಟ್‌ ನ್ಯೂಟ್ರಾಲಿಟಿಗೆ ಅಮೆರಿಕದಲ್ಲಿ ತಿಲಾಂಜಲಿ!

ವಾಷಿಂಗ್ಟನ್‌: ಒಂದೆಡೆ ಭಾರತದಲ್ಲಿ ನೆಟ್‌ ನ್ಯೂಟ್ರಾಲಿಟಿಯನ್ನು ಎತ್ತಿ ಹಿಡಿದಿದ್ದರೆ, ಅಮೆರಿಕ ತದ್ವಿರುದ್ಧ ನಿಲುವು ತಳೆದಿದೆ. ನೆಟ್‌ ನ್ಯೂಟ್ರಾಲಿಟಿಗೆ ಸಂಬಂಧಿಸಿದಂತೆ ಅಮೆರಿಕ ಸಂಸತ್ತು ಮಹತ್ವದ ನಿರ್ಣಯ ಕೈಗೊಂಡಿದ್ದು, ಸೇವಾ ಪೂರೈಕೆದಾರರು ಇಂಟರ್‌ನೆಟ್‌ ವೇಗವನ್ನು ನಿಗದಿತ ವೆಬ್‌ಸೈಟ್‌ಗಳಿಗೆ ವ್ಯತ್ಯಯಗೊಳಿಸಲು ಅವಕಾಶ ನೀಡುವ ಮಸೂದೆಗೆ ಅನುಮೋದನೆ ನೀಡಿದೆ. 

ಈ ಮೂಲಕ ಅನಿವಾಸಿ ಭಾರತೀಯ ಅಜಿತ್‌ ಪೈ ನೇತೃತ್ವದ ಫೆಡರಲ್‌ ಕಮ್ಯುನಿಕೇಷನ್ಸ್‌ ಕಮಿಷನ್‌ (ಎಫ್ಸಿಸಿ) ಸಲ್ಲಿಸಿರುವ ಶಿಫಾರಸುಗಳಿಗೆ ಮಾನ್ಯತೆ ನೀಡಿದೆ.

ಈ ಬಗ್ಗೆ ಅಮೆರಿಕದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದ್ದು, ಬೃಹತ್‌ ಉದ್ಯಮಗಳ ಪರವಾಗಿ ಸರಕಾರ ನಿಲುವು ತಳೆದಿದೆ ಎಂದು ಆರೋಪಿಸಲಾಗಿದೆ.