Washington: ಹಿಲರಿ, ಸೊರೋಸ್‌ ಸೇರಿ 19 ಮಂದಿಗೆ ಅಮೆರಿಕ ನಾಗರಿಕ ಪ್ರಶಸ್ತಿ ಪ್ರದಾನ

ವಾಷಿಂಗ್ಟನ್‌: ಅಮೆರಿಕ ಮಾಜಿ ವಿದೇಶಾಂಗ ಕಾರ್ಯದರ್ಶಿ ಹಿಲರಿ ಕ್ಲಿಂಟನ್‌, ಫ‌ುಟ್ಬಾಲ್‌ ಆಟಗಾರ ಲಿಯೋ ನಲ್‌ ಮೆಸ್ಸಿ, ಉದ್ಯಮಿ ಜಾರ್ಜ್‌ ಸೊರೋಸ್‌ ಸೇರಿ­19 ಮಂದಿಗೆ ಅಮೆ­ರಿ­ಕದ ಅತ್ಯು­ನ್ನತ ನಾಗರಿಕ ಪ್ರಶಸ್ತಿ “ರಾಷ್ಟ್ರ­ಪತಿ ಸ್ವಾತಂತ್ರ್ಯ ಪದಕವನ್ನು’ ಬೈಡೆನ್‌ ಪ್ರದಾನ ಮಾಡಿ­ದ್ದಾರೆ.

ಅಮೆ­ರಿಕ ಹಾಗೂ ವಿಶ್ವದ ಸಮೃದ್ಧಿ, ಭದ್ರತೆಗೆ ಕೊಡುಗೆ ನೀಡಿದವರಿಗೆ ಈ ಪ್ರಶಸ್ತಿ ನೀಡಲಾಗುತ್ತದೆ. ಸೊರೋಸ್‌ಗೆ ಪ್ರಶಸ್ತಿ ನೀಡಿದ್ದಕ್ಕೆ ಉದ್ಯಮಿ ಎಲಾನ್‌ ಮಸ್ಕ್ ಆಕ್ಷೇಪಿಸಿದ್ದಾರೆ.

“ಮಾನವ­ತ್ವದ ವಿರೋಧಿಗೆ ಪ್ರಶಸ್ತಿ ನೀಡಿರುವುದು ದುರಂತ’ ಎಂದು ಟೀಕಿಸಿದ್ದಾರೆ. ಭಾರತದಲ್ಲಿ ಸೊರೊಸ್‌ ಜತೆಗೆ ಕಾಂಗ್ರೆಸ್‌ ಲಿಂಕ್‌ ಇದೆ ಎಂಬ ಆರೋಪ ಕೋಲಾಹಲಕ್ಕೆ ಕಾರಣವಾಗಿದೆ.