ಮ್ಯಾನ್‌ಹಟನ್‌ ಸ್ಫೋಟ; ಶಂಕಿತ ಬಾಂಗ್ಲಾ ಪ್ರಜೆ ಸೆರೆ

ಮ್ಯಾನ್‌ಹಟನ್‌: ಇಲ್ಲಿನ ನ್ಯೂಯಾರ್ಕ್‌ ಸಿಟಿ ಸಬ್‌ವೇನಲ್ಲಿ ಸ್ಥಳೀಯ ಕಾಲಮಾನ ಸೋಮವಾರ ಬೆಳಗ್ಗೆ (ಭಾರತೀಯ ಕಾಲಮಾನ ರಾತ್ರಿ 8) ಬಾಂಬ್‌ ಸ್ಫೋಟ ಸಂಭವಿಸಿದೆ. ಪ್ರಕರಣ ಸಂಬಂಧ ಬಾಂಗ್ಲಾದೇಶದ ಪ್ರಜೆಯನ್ನು ಬಂಧಿಸಲಾಗಿದೆ. ಬಾಂಬ್‌ ಇಟ್ಟವನೇ ಸ್ಫೋಟದ ವೇಳೆ ಗಾಯಗೊಂಡಿದ್ದನೆಂದು ಪೊಲೀಸರು ತಿಳಿಸಿದ್ದಾರೆ. “ಪೋರ್ಟ್‌ ಅಥಾರಿಟಿ ಬಸ್‌ ಟರ್ಮಿನಲ್‌ನ 42ನೇ ಸ್ಟಾಂಡ್‌ ಬಳಿಯಿರುವ ಪ್ರಯಾಣಿಕರ ಪ್ಯಾಸೇಜ್‌ನಲ್ಲಿ ಸಂಭವಿಸಿದ ಸ್ಫೋಟದಲ್ಲಿ ನಾಲ್ವರು ಗಾಯಗೊಂಡಿದ್ದಾರೆ. “”ಬಾಂಬ್‌ ಇಟ್ಟಾತ ಬಾಂಗ್ಲಾದೇಶಿ ಎಂಬ ಅನುಮಾನವಿದೆ. ಈತ, ಐಸಿಸ್‌ ಸಂಘಟನೆ ಪರ ಕೆಲಸ ಮಾಡಿರುವ ಸಾಧ್ಯತೆಗಳಿವೆ” ಎಂದು ಪೊಲೀಸರು ತಿಳಿಸಿದ್ದಾರೆ.