World Rapid Chess Championship: ವಿಶ್ವ ರ‍್ಯಾಪಿಡ್ ಚೆಸ್‌.. ಅರ್ಜುನ್‌ ಜಂಟಿ ಅಗ್ರಸ್ಥಾನ

ನ್ಯೂಯಾರ್ಕ್‌: ಇಲ್ಲಿ ನಡೆಯುತ್ತಿರುವ ವಿಶ್ವ ರ‍್ಯಾಪಿಡ್ ಮತ್ತು ಬ್ಲಿಟ್ಜ್ ಚೆಸ್‌ ಕೂಟದಲ್ಲಿ ಭಾರತದ ಅರ್ಜುನ್‌ ಎರಿಗಾಯ್ಸಿ ಜಂಟಿ ಅಗ್ರಸ್ಥಾನದಲ್ಲಿದ್ದಾರೆ. ಪುರುಷರ 9ನೇ ಸುತ್ತಿನ ಸ್ಪರ್ಧೆಯ ಬಳಿಕ ಎರಿಗಾಯ್ಸಿ, ಪೋಲೆಂಡ್‌ನ‌ ಡುಡಾ ಜಾನ್‌ ಕ್ರಿಜ್ವೋಫ್ ಜತೆಗೆ ಗರಿಷ್ಠ 7.5 ಅಂಕ ಗಳಿಸಿದ್ದಾರೆ.

ಮಹಿಳಾ ವಿಭಾಗದಲ್ಲಿ 8ನೇ ಸುತ್ತಿನ ಸ್ಪರ್ಧೆಯ ಬಳಿಕ ಚೀನದ ವೆಂಜು ಜತೆಗೆ ಭಾರತದ ಡಿ. ಹರಿಕಾ ಮತ್ತು ಕೊನೆರು ಹಂಪಿ 6.5 ಅಂಕ ಗಳಿಸಿ ಜಂಟಿ ಅಗ್ರಸ್ಥಾನದಲ್ಲಿದ್ದಾರೆ.