ಜೂ. ಸ್ಕೇಟಿಂಗ್‌ ಚಾಂಪಿಯನ್‌ ಅಲೆಕ್ಸಾಂಡ್ರೋವ್‌ಸ್ಕಾ ಇನ್ನಿಲ್ಲ

ಮೆಲ್ಬರ್ನ್: ರಶ್ಯ ಮೂಲದ ವಿಶ್ವ ಜೂನಿಯರ್‌ ಸ್ಕೇಟಿಂಗ್‌ ಚಾಂಪಿಯನ್‌ ಎಕಟೆರಿನಾ ಅಲೆಕ್ಸಾಂಡ್ರೋವ್‌ಸ್ಕಾ ಅವರ ನಿಧನದ ಸುದ್ದಿಯನ್ನು ಆಸ್ಟ್ರೇಲಿಯ ಖಚಿತಪಡಿಸಿದೆ.

ರಶ್ಯದಲ್ಲಿ ಜನಿಸಿದ, 2016ರಲ್ಲಿ ಆಸ್ಟ್ರೇಲಿಯದ ಪೌರತ್ವ ಪಡೆದ ಅಲೆಕ್ಸಾಂಡ್ರೋವ್‌ಸ್ಕಾ 2018ರ ಪಿಯಾಂಗ್‌ಚಾಂಗ್‌ ಚಳಿಗಾಲದ ಒಲಿಂಪಿಕ್‌ ಕೂಟದಲ್ಲಿ ಹ್ಯಾರ್ಲಿ ವಿಂಡ್ಸರ್‌ ಜತೆಗೂಡಿ ಚಿನ್ನದ ಪದಕ ಜಯಿಸಿದ್ದರು. ಇದೇ ಜೋಡಿ 2017ರಲ್ಲಿ ವಿಶ್ವ ಜೂನಿಯರ್‌ ಚಾಂಪಿಯನ್‌ ಆಗಿ ಹೊರಹೊಮ್ಮಿತ್ತು. 20 ವರ್ಷದ ಅಲೆಕ್ಸಾಂಡ್ರೋವ್‌ಸ್ಕಾ ನಾನಾ ಗಾಯದ ಸಮಸ್ಯೆಯಿಂದ ಕಳೆದ ಫೆಬ್ರವರಿಯಲ್ಲಿ ನಿವೃತ್ತಿ ಘೋಷಿಸಿದ್ದರು. ಶುಕ್ರವಾರ ಮಾಸ್ಕೋದಲ್ಲಿ ನಿಧನ ಹೊಂದಿದರು.

ಇದರೊಂದಿಗೆ 10 ದಿನಗಳ ಅವಧಿಯಲ್ಲಿ ಇಬ್ಬರು ವಿಂಟರ್‌ ಒಲಿಂಪಿಯನ್‌ಗಳನ್ನು ಆಸ್ಟ್ರೇಲಿಯ ಕಳೆದುಕೊಂಡಂತಾಯಿತು. ಜು. 8ರಂದು 3 ಬಾರಿಯ ಒಲಿಂಪಿಯನ್‌, 2 ಬಾರಿಯ ವಿಶ್ವ ಚಾಂಪಿಯನ್‌ ಸ್ನೋಬೋರ್ಡರ್‌ ಅಲೆಕ್ಸ್‌ ಪುಲ್ಲಿನ್‌ ಗೋಲ್ಡ್‌ ಕೋಸ್ಟ್‌ನಲ್ಲಿ ನಿಧನರಾಗಿದ್ದರು.