Men’s Senior Hockey Nationals: ಒಡಿಶಾ ಚಾಂಪಿಯನ್‌

ಚೆನ್ನೈ: ಶಿಲಾನಂದ ಲಾಕ್ರಾ ಅವರ ಹ್ಯಾಟ್ರಿಕ್‌ ಗೋಲುಗಳ ನೆರವಿನಿಂದ ಹರಿಯಾಣವನ್ನು 5-1 ಗೋಲುಗಳಿಂದ ಮಣಿಸಿದ ಒಡಿಶಾ ತಂಡ ಪುರುಷರ ರಾಷ್ಟ್ರೀಯ ಹಾಕಿ ಚಾಂಪಿಯನ್‌ ಆಗಿ ಮೂಡಿಬಂದಿದೆ.

ಶಿಲಾನಂದ 12 ನಿಮಿಷಗಳ ಅವಧಿಯಲ್ಲಿ 3 ಗೋಲು ಸಿಡಿಸಿದರು. 48, 57 ಹಾಗೂ 60ನೇ ನಿಮಿಷದಲ್ಲಿ ಗೋಲು ಬಾರಿಸಿ ಹ್ಯಾಟ್ರಿಕ್‌ ಪೂರ್ತಿಗೊಳಿಸಿದರು. ಉಳಿದೆರಡು ಗೋಲುಗಳು ರಜತ್‌ ಆಕಾಶ್‌ ತಿರ್ಕಿ (11ನೇ ನಿಮಿಷ) ಮತ್ತು ಪ್ರತಾಪ್‌ ಲಾಕ್ರಾ (39ನೇ ನಿಮಿಷ) ಅವರಿಂದ ದಾಖಲಾದವು. ಹರಿಯಾಣದ ಏಕೈಕ ಗೋಲನ್ನು ಜೋಗಿಂದರ್‌ ಸಿಂಗ್‌ ಹೊಡೆದರು (55ನೇ ನಿಮಿಷ).