Air India ಅವ್ಯವಸ್ಥೆ: ಬೆಂಗಳೂರಿನ ಸಂಗೀತಗಾರ ರಿಕಿ ಕೇಜ್‌ ಆಕ್ರೋಶ

ಹೊಸದಿಲ್ಲಿ:  ಟಾಟಾ ಮಾಲಕತ್ವದ ಏರ್‌ ಇಂಡಿಯಾ ವಿರುದ್ಧ ಬೆಂಗಳೂರು ಮೂಲದ ಸಂಗೀತ ನಿರ್ದೇಶಕ, ಗ್ರ್ಯಾಮಿ ಅವಾರ್ಡ್‌ ಪುರಸ್ಕೃತ ರಿಕಿ ಕೇಜ್‌ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನನಗೆ ಮಾಹಿತಿ ನೀಡದೇ ಏರಿಂಡಿ ಯಾ ನನ್ನ ಸೀಟನ್ನು ಬಿಸೆನೆಸ್‌ ಕ್ಲಾಸ್‌ನಿಂದ ಎಕಾನಮಿ ಕ್ಲಾಸ್‌ಗೆ ಬದಲಾಯಿಸಿದೆ. ಈ ಬಗ್ಗೆ ಪ್ರಶ್ನಿಸಿದಾಗ ಟಿಕೆಟ್‌ ಮೊತ್ತವನ್ನು ಮರುಪಾವತಿ ಮಾಡಲೂ ಸಂಸ್ಥೆಯು ನಿರಾಕರಿಸಿದೆ ಎಂದು ಆರೋಪಿಸಿದ್ದಾರೆ. ಒಂದು ವರ್ಷದ ಅವಧಿಯಲ್ಲಿ 3ನೇ ಬಾರಿಗೆ ಇಂಥ ಕಹಿ ಅನುಭವವಾಗಿದೆ. ಈ ಬಗ್ಗೆ ವಿಚಾರಿಸಲು ತೆರಳಿದ್ದಾಗ ಕೌಂಟರ್‌ನಲ್ಲಿದ್ದ ಗ್ರಾಹಕ ಸೇವಾ ಸಿಬಂದಿ ಸಹ ಏನೂ ಸಹಾಯ ಮಾಡಲಿಲ್ಲ ಎಂದು ರಿಕಿ ಆರೋಪಿಸಿದ್ದಾರೆ.