Delhi: 9 ವರ್ಷಗಳಲ್ಲೇ ಡಿಸೆಂಬರ್‌ ತಿಂಗಳಲ್ಲಿ ಅತ್ಯಂತ ಸ್ವಚ್ಛ ಗಾಳಿ!

ಹೊಸದಿಲ್ಲಿ: ವಾಯುವಿನ ಗುಣಮಟ್ಟ ತೀವ್ರ ಪ್ರಮಾಣದಲ್ಲಿ ಕುಸಿದಿದ್ದ ದಿಲ್ಲಿಯಲ್ಲಿ, ಡಿಸೆಂಬರ್‌ನಲ್ಲಿ ವಾಯು ಗುಣಮಟ್ಟ ಅಂಕ 294ಕ್ಕೆ ಇಳಿದಿದೆ.

ಹೀಗಾಗಿ ಇದು ಕಳೆದ 9 ವರ್ಷಗಳಲ್ಲೇ ಸ್ವಚ್ಛ ಡಿಸೆಂಬರ್‌ ಎಂಬ ಖ್ಯಾತಿಗೆ ಪಾತ್ರವಾಗಿದೆ. 2015ರಲ್ಲಿ ಗಾಳಿಯ ಗುಣಮಟ್ಟ 300 ಅಂಕದಷ್ಟು ದಾಖಲಾಗಿತ್ತು.

ಡಿಸೆಂಬರ್‌ ತಿಂಗಳ ಮೊದಲಾರ್ಧದಲ್ಲಿ ನಿರಂತರವಾಗಿ ಗಾಳಿ ಬೀಸಿದ್ದು ಮತ್ತು ದ್ವಿತಿಯಾರ್ಧದಲ್ಲಿ ಮಳೆಯಾಗಿದ್ದು, ವಾಯುಗುಣಮಟ್ಟ ಸುಧಾರಣೆಗೆ ಕಾರಣ ಎನ್ನಲಾಗಿದೆ.

ಡಿ.1ರಿಂದ 15ರವರೆಗೆ ಕೇವಲ 1 ದಿನದಲ್ಲಿ ಮಾತ್ರ ಗಾಳಿಯ ಗುಣಮಟ್ಟ ಕುಸಿತ ಕಂಡಿತ್ತು. ಅಲ್ಲದೇ ದಿಲ್ಲಿಯಲ್ಲಿ 5.3 ಸೆಂ.ಮೀ. ಮಳೆಯಾಗಿದ್ದು, ಇದು 1901ರ ಬಳಿಕದ ಅತ್ಯಂತ ಶೀತ ದಿನ ಎನಿಸಿಕೊಂಡಿದೆ.