Jawan: ಶಾರುಖ್‌ ಜವಾನ್‌ ಪಾತ್ರಕ್ಕೆ ಯಶ್‌ ಸ್ಫೂರ್ತಿ!

ಮುಂಬೈ: ಹೊರದೇಶಗಳಲ್ಲಿ ಭಾರತೀಯ ಸಿನಿಮಾ ಎಂದರೆ ಬಾಲಿವುಡ್‌ ಎಂಬಂತೆಯೇ ಬಿಂಬಿತವಾಗಿದೆ. ಆದರೀಗ ಸ್ವತಃ ಬಾಲಿವುಡ್‌ನ‌ ನಟರೂ ಕೂಡ ಕನ್ನಡದ ನಟರ ಅಭಿನಯಕ್ಕೆ ಮಾರುಹೋಗಿ, ಅವರನ್ನು ಅನುಸರಿಸಲು ಮುಂದಾಗಿದ್ದಾರೆ. ಅದಕ್ಕೊಂದು ತಾಜಾ ನಿದರ್ಶನವೇ ಕನ್ನಡಿಗರಾದ ನಟ ಯಶ್‌ ಅವರನ್ನು ಬಾಲಿವುಡ್‌ ಬಾದ್‌ ಶಾ ಖ್ಯಾತಿಯ ಶಾರುಖ್‌ ಖಾನ್‌ ಹೇಳಿಕೆ!

ಇತ್ತೀಚೆಗಷ್ಟೇ ನಟ ಶಾರುಖ್‌ ಅಭಿನಯದ ಜವಾನ್‌ ಸಿನಿಮಾದ ಟ್ರೇಲರ್‌ ಬಿಡುಗಡೆಯಾಗಿದೆ. ಈ ಬಗ್ಗೆ ಶಾರುಖ್‌ ಜಾಲತಾಣಗಳಲ್ಲಿ ತಮ್ಮ ಅಭಿಮಾನಿಗಳಿಂದ ಪ್ರತಿಕ್ರಿಯೆ ಪಡೆದಿದ್ದಾರೆ. ಓರ್ವ ಅಭಿಮಾನಿ, ಈ ಸಿನಿಮಾ ಸಿದ್ದತೆಗಾಗಿ ನೀವು ಬೇರೆ ನಟರ ಸಿನಿಮಾಗಳನ್ನ ನೋಡಿ ಏನಾದರೂ ಅಳವಡಿಸಿಕೊಂಡಿದ್ದೀರಾ ಎಂದು ಪ್ರಶ್ನಿಸಿದ್ದರು. ಪ್ರತಿಕ್ರಿಯಿಸಿದ ಶಾರುಖ್‌, ಹೌದು ನಾನು ನಟ ಯಶ್‌, ರಜನಿಕಾಂತ್‌, ವಿಜಯ್‌, ಅಲ್ಲು ಅರ್ಜುನ್‌ ಅವರ ಸಿನಿಮಾಗಳನ್ನು ನೋಡಿದ್ದೇನೆ, ಆ ಮೂಲಕ ಅಭಿವ್ಯಕ್ತಿ ಭಾವಗಳನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿದ್ದೇನೆ ಎಂದಿದ್ದಾರೆ.