Advertisement
ಸದ್ಯ ಈ ಶಾಲೆಯಲ್ಲಿ ಇವರಿಬ್ಬರಿಗೆ ಕಲಿಸಿದ ಗುರುಗಳು ಯಾರೂ ಇಲ್ಲ. ಆದರೆ, ಅವರನ್ನು ತುಂಬಾ ಹತ್ತಿರದಿಂದ ನಾನು ನೋಡಿದ್ದೇನೆ. ಪಾಕಿಸ್ತಾನದಿಂದ ದೇಶಕ್ಕೆ ವಾಪಸ್ಸಾಗಿದ್ದುದನ್ನು ನೋಡಿದಾಗ, “ತಪ್ಪಿಸಿಕೊಂಡು ಹೋದ ಮಗ ಮನೆಗೆ ಹಿಂತಿರುಗಿದಾಗ ಆಗುವಷ್ಟು ಸಂತೋಷ ಆಯಿತು. ಇಡೀ ದೇಶ ಈಗ ಅವರನ್ನು ಹೆಮ್ಮೆಯಿಂದ ನೋಡುತ್ತಿದೆ. ಅವರು ಈ ಶಾಲೆಯ ವಿದ್ಯಾರ್ಥಿ ಎಂದಾಗ ಸಹಜವಾಗಿಯೇ ಅಭಿಮಾನ ಇಮ್ಮಡಿಯಾಗುತ್ತದೆ’ ಎಂದು ಎನ್‌ಎಎಲ್‌ ಕೆವಿಯ ಸ್ಕೌಟ್ಸ್‌ ಆ್ಯಂಡ್‌ ಗೈಡ್ಸ್‌ನ ಮುಖ್ಯಸ್ಥ ಆರ್‌.ಜಿ ಭಟ್‌ ಸಂತಸ ಹಂಚಿಕೊಂಡರು.
Related Articles
Advertisement
ಶಾಲೆಗೆ ಅತಿಥಿಯಾಗಿ ಅಭಿನಂದನ್‌?: ಶಾಲೆಯ ಹಳೆಯ ವಿದ್ಯಾರ್ಥಿ ಅಭಿನಂದನ್‌ ಈಗ ದೇಶದ ರಿಯಲ್‌ ಹೀರೋ. ಅವರನ್ನು ಶಾಲಾ ವಾರ್ಷಿಕೋತ್ಸವಕ್ಕೆ ಅತಿಥಿಯಾಗಿ ಆಮಂತ್ರಿಸಲು ಉದ್ದೇಶಿಸಲಾಗಿದೆ ಎಂದು ಪ್ರಾಂಶುಪಾಲ ಎಂ. ಮನೋಹರನ್‌ “ಉದಯವಾಣಿ’ಗೆ ತಿಳಿಸಿದರು. ಅಭಿನಂದನ್‌ ಶಾಲೆಯ ವಿದ್ಯಾರ್ಥಿ ಆಗಿದ್ದರು ಎಂಬುದು ನಮಗೆ ಹೆಮ್ಮೆ. ಮುಂದಿನ ದಿನಗಳಲ್ಲಿ ನೂರಾರು ಅಭಿನಂದನ್‌ಗಳು ಈ ಶಾಲೆಯಲ್ಲಿ ರೂಪುಗೊಳ್ಳಲು ಪ್ರೇರಣೆ ಆಗಲಿದೆ. ಆದ್ದರಿಂದ ಶಾಲಾ ವಾರ್ಷಿಕೋತ್ಸವದಲ್ಲಿ ಅತಿಥಿಯನ್ನಾಗಿ ಆಮಂತ್ರಿಸಲು ಉದ್ದೇಶಿಸಲಾಗಿದೆ ಎಂದರು.
ಅಭಿ ಮೀಸೆ ಟ್ರೆಂಡ್‌: ವಿಂಗ್‌ ಕಮಾಂಡರ್ ಅಭಿನಂದನ್‌ ಬಗ್ಗೆ ದೇಶಾದ್ಯಂತ ಮೆಚ್ಚುಗೆಯ ಸುರಿಮಳೆಯ ಮಧ್ಯೆಯೇ ಅವರ ಮೀಸೆಯೂ ಜನಪ್ರಿಯವಾಗಿದೆ. ಪಾಕಿಸ್ತಾನದಿಂದ ಅವರು ವಾಪಸಾಗುತ್ತಿದ್ದಂತೆಯೇ ಅಭಿನಂದನ್‌ ಶೈಲಿಯ ಮೀಸೆ ಬಿಡುವ ಹೊಸ ಟ್ರೆಂಡ್‌ ಶುರುವಾಗಿದೆ. ಈ ಮೀಸೆ ಈಗ ವಾಯುಪಡೆಯ ಸಾಹಸ ಮತ್ತು ಧೈರ್ಯಕ್ಕೆ ಮೆಚ್ಚುಗೆ ಸೂಚಿಸುವ ದ್ಯೋತಕವೂ ಆಗಿದೆ.
ಯಾಕೆಂದರೆ, ಪಾಕಿಸ್ತಾನ ಸೇನೆ ವಶಪಡಿಸಿಕೊಂಡಿದ್ದಾಗ ಬಿಡುಗಡೆ ಮಾಡಿದ ಮೊದಲ ವಿಡಿಯೋದಲ್ಲಿ ಅವರ ಮಾತಿನ ಶೈಲಿ ಹಾಗೂ ವಾಘಾ ಗಡಿಯಿಂದ ಅವರು ನಡೆದು ಬಂದ ಶೈಲಿ ಸ್ಫೂರ್ತಿಯಾಗಿದೆ. ಎಲ್ಲ ವಿಡಿಯೋಗಳಲ್ಲೂ ಅವರ ಮೀಸೆಯೇ ಹೆಚ್ಚು ಪ್ರಚಾರ ಪಡೆದಿದ್ದಂತೂ ಸುಳ್ಳಲ್ಲ. ಸಾಮಾಜಿಕ ಮಾಧ್ಯಮಗಳಲ್ಲಂತೂ ಅವರ ಮೀಸೆ ಭಾರೀ ವೈರಲ್ ಆಗಿದೆ. ಅವರಂತೆಯೇ ಮೀಸೆ ಬಿಟ್ಟು, ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡುವುದು ಈಗ ಹೊಸ ಟ್ರೆಂಡ್‌ ಆಗಿದೆ.
* ವಿಶೇಷ ವರದಿ