ಪಂಚಾಂಗ ಬಂದ ಮೇಲೆ ಏನಾಗುತ್ತದೆ ಎಂದು ಹೇಳುತ್ತೇನೆ!;ರೇವಣ್ಣ  ವ್ಯಂಗ್ಯ

ಹಾಸನ: ತಮಿಳು ನಾಡಿನ ಪಂಚಾಂಗ ಬಂದಿದೆ. ನಮ್ಮ ಪಂಚಾಂಗ ಬಂದ ಮೇಲೆ ಏನಾಗುತ್ತದೆ ಎನ್ನುವುದನ್ನು ಹೇಳುತ್ತೇನೆ ಎಂದು ಸಚಿವ ಎಚ್‌.ಡಿ.ರೇವಣ್ಣ ಅವರು ತಮ್ಮದೇ ಶೈಲಿಯಲ್ಲಿ  ಆಪರೇಷನ್‌ ಕಮಲ ಯತ್ನದ ಕುರಿತು ವ್ಯಂಗ್ಯವಾಡಿದ್ದಾರೆ. 

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ನಮಗೆ ಯಾವುದೇ ಟೆನ್ಷನ್‌ ಇಲ್ಲ. ಹೊಲ ಮನೆ ಕಳೆದುಕೊಳ್ಳುವುದಾದರೆ ಚಿಂತೆ ಮಾಡಬೇಕು. ನಮ್ಮದೂ ಯಾವುದೂ ಹೋಗಿಲ್ಲ , ಆರಾಮಾಗಿ ಇದ್ದೇವೆ ಎಂದಿದ್ದಾರೆ.

ನಾವೂ ಯಾವಾಗಲೂ ಕೂಲ್‌. ಸಿಟ್ಟು ಕಟ್ಟಿಕೊಂಡು ನಾವೇನು ಮಾಡಕಾಗುತ್ತೆ. ನಿನ್ನೆ ತಮಿಳು ನಾಡಿನ ಪಂಚಾಂಗ  ಬಂದಿದೆ. ನಮ್ಮ ಪಂಚಾಂಗ ಯುಗಾದಿಗೆ ಬರುತ್ತದೆ. ಎರಡನ್ನೂ  ಪರಿಶೀಲಿಸಿ ಭವಿಷ್ಯ ಹೇಳುತ್ತೇನೆ ಎಂದು ಹಾಸ್ಯ ಚಟಾಕಿ ಹಾರಿಸಿದ್ದಾರೆ.