ಕೇಂದ್ರ ಸಚಿವ ಸಿಂಧಿಯಾ ವಿರುದ್ಧ ಟೀಕೆ: ಕ್ಷಮೆ ಕೋರಿದ ಸಂಸದ ಕಲ್ಯಾಣ್‌

ಹೊಸದಿಲ್ಲಿ: ಜ್ಯೋತಿರಾದಿತ್ಯ ಸಿಂಧಿಯಾ ಅವರನ್ನು “ಲೇಡಿ ಕಿಲ್ಲರ್‌’ ಎಂದು ಹೇಳಿ ವಿವಾದ ಸೃಷ್ಟಿಸಿದ್ದ ಟಿಎಂಸಿ ಸಂಸದ ಕಲ್ಯಾಣ್‌ ಬ್ಯಾನರ್ಜಿ ಲಿಖಿತ ರೂಪದಲ್ಲಿ ಕ್ಷಮೆ ಕೋರಿದ್ದಾರೆ. ಕಲಾಪ ಆರಂಭವಾಗುತ್ತಿದ್ದಂತೆಯೇ ಟಿಎಂಸಿ ಸಂಸದ ಹೇಳಿದ್ದ ಮಾತಿನ ಬಗ್ಗೆ ಬಿಜೆಪಿ ನೇತೃ­ತ್ವದ ಎನ್‌ಡಿಎ ಸಂಸದರು ಪ್ರಶ್ನಿಸಿದ್ದಾರೆ. ಅದಕ್ಕೆ ಉತ್ತರಿಸಿದ ಸ್ಪೀಕರ್‌, “ಬುಧವಾರ ಸದನದಲ್ಲಿ ನಡೆ ದಿದ್ದ ಘಟನೆ ದುರದೃಷ್ಟಕರ. ಈ ವಿಚಾರಕ್ಕೆ ಸಂಬಂಧಪಟ್ಟ ಸದಸ್ಯರು ಈಗಾಗಲೇ ಸದನಕ್ಕೆ ಕ್ಷಮೆ ಕೇಳಿದ್ದು, ನನಗೆ ಕ್ಷಮಾಪಣಾ ಪತ್ರ ಸಲ್ಲಿಸಿದ್ದಾರೆ’ ಎಂದು ಬ್ಯಾನರ್ಜಿ ಹೆಸರು ಪ್ರಸ್ತಾವಿಸದೇ ಹೇಳಿದ್ದಾರೆ.