ಆರಂಭವಾಗದ ಒಳಹರಿವು: ನೀರು ಪೂರೈಕೆಗೆ ಸಮಸ್ಯೆ

ಉಡುಪಿ: ಉಡುಪಿಯಲ್ಲಿ ಮಳೆ ನಿರೀಕ್ಷಿತ ಪ್ರಮಾಣದಲ್ಲಿ ಇನ್ನೂ ಆರಂಭವಾಗದ ಹಿನ್ನೆಲೆಯಲ್ಲಿ ಮತ್ತೆ ನಗರದಲ್ಲಿ ನೀರು ಪೂರೈಕೆಗೆ ಸಮಸ್ಯೆಯಾಗಿದ್ದು, ಆದರೂ 4 ದಿನಕ್ಕೊಮ್ಮೆ ನೀರು ಪೂರೈಸಲು ನಗರಸಭೆ ಬದ್ಧವಾಗಿದೆ ಎಂದು ನಗರಾಡಳಿತ ತಿಳಿಸಿದೆ. 

ಮುಂಗಾರು ಆರಂಭವಾದರೂ ಕಾರ್ಕಳ ಭಾಗದಿಂದ ಸ್ವರ್ಣಾ ನದಿಯ ಗುಂಡಿಗಳಲ್ಲಿ ಒಳಹರಿವು ಆರಂಭವಾಗಿಲ್ಲ. ಆದ್ದರಿಂದ ಆ ಗುಂಡಿ ಗಳಲ್ಲಿದ್ದ ನೀರೆಲ್ಲ ಪಂಪಿಂಗ್‌ ಮಾಡಿ ಖಾಲಿಯಾಗಿದ್ದು, ಅಲ್ಪ ಸ್ವಲ್ಪ ಮಳೆ ಬಂದಿದ್ದರಿಂದ ಆ ಗುಂಡಿಗಳಲ್ಲಿ  ಅಲ್ಪ  ಪ್ರಮಾಣದ ನೀರು ಸಂಗ್ರಹಗೊಂಡಿದೆ. ಅದನ್ನೇ ಡ್ರೆಜ್ಜಿಂಗ್‌ ಮಾಡಿ ನೀರು ಪೂರೈಸಲಾಗುವುದು.

ರವಿವಾರ ಹಾಗೂ ಸೋಮವಾರ ನಗರಕ್ಕೆ ನೀರು ಸರಬರಾಜು ಮಾಡಲಾಗಿದೆ. ಗುರುವಾರ ಹಾಗೂ ಶುಕ್ರವಾರಕ್ಕೆ ನೀರು ಪೂರೈಕೆ ಆ ಗುಂಡಿಗಳಿಂದ ಪಂಪಿಂಗ್‌ ಮಾಡಿ ಪೂರೈಸಲು ವ್ಯವಸ್ಥೆ  ಮಾಡಲಾಗುವುದು ಎಂದು ಪರಿಸರ ಅಭಿಯಂತ ರಾಘವೇಂದ್ರ ಹೇಳಿದ್ದಾರೆ.