ವಿನೂ ಮಂಕಡ್‌ ಏಕದಿನ ಕ್ರಿಕೆಟ್‌: ಆಂಧ್ರ ವಿರುದ್ಧ ಕರ್ನಾಟಕಕ್ಕೆ ಜಯ

ಬೆಂಗಳೂರು: ಇಲ್ಲಿನ ಆಲೂರು ಕ್ರೀಡಾಂಗಣದ 1ರಲ್ಲಿ ನಡೆದ 19 ವರ್ಷ ವಯೋಮಿತಿಯೊಳಗಿನ ವಿನೂ ಮಂಕಡ್‌ ಏಕದಿನ ಕ್ರಿಕೆಟ್‌ ಕೂಟದಲ್ಲಿ ಆಂಧ್ರಪ್ರದೇಶ ಕ್ರಿಕೆಟ್‌ ಸಂಸ್ಥೆ ವಿರುದ್ಧ ಕರ್ನಾಟಕ ಕ್ರಿಕೆಟ್‌ ಸಂಸ್ಥೆ 7 ವಿಕೆಟ್‌ ಗೆಲುವು ಕಂಡಿದೆ.

ಸೋಮವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಆಂಧ್ರಪ್ರದೇಶ ತಂಡ ಮನೋಜ್‌ ಭಾಂಡಗೆ, ಬಿ.ಎಂ.ಶ್ರೇಯಸ್‌ ದಾಳಿಗೆ ಸಿಲುಕಿ 48.4 ಓವರ್‌ಗಳಲ್ಲಿ 183 ರನ್‌ಗೆ ಆಲೌಟಾಯಿತು. ಈ ಗುರಿ ಬೆನ್ನಟ್ಟಿದ ಕರ್ನಾಟಕ ತಂಡ 39.5 ಓವರ್‌ಗಳಲ್ಲಿ 3 ವಿಕೆಟ್‌ಗೆ 185 ರನ್‌ ಗಳಿಸಿ ಗೆಲುವು ಕಂಡಿತು. ರಾಜ್ಯದ ಪರ ನಿಕಿನ್‌ ಜೋಸ್‌ (ಅಜೇಯ 59, ಲುವ್‌ನೀತ್‌ ಸಿಸೋಡಿಯಾ (80 ರನ್‌) ಭರ್ಜರಿ ಆಟ ಪ್ರದರ್ಶಿಸಿದರು.

ಸಂಕ್ಷಿಪ್ತ  ಸ್ಕೋರ್‌: ಆಂಧ್ರಪ್ರದೇಶ 48.4 ಓವರ್‌ಗಳಲ್ಲಿ 183 (ಪೃಥ್ವಿರಾಜ್‌ 55, ಯಾರ ಸಂದೀಪ್‌ 29, ಮನೋಜ್‌ 32ಕ್ಕೆ3),  ಕರ್ನಾಟಕ 39.5 ಓವರ್‌ಗಳಲ್ಲಿ 185/3 (ನಿಕಿನ್‌ ಜೋಸ್‌ ಅಜೇಯ 59, ಲುವ್‌ನೀತ್‌ ಸಿಸೋಡಿಯಾ 80)