Advertisement
ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ದು ಕೊಂಡ ಕರ್ನಾಟಕ 43.5 ಓವರ್‌ಗಳಲ್ಲಿ ಕೇವಲ 143ಕ್ಕೆ ಸರ್ವಪತನ ಕಂಡಿತು. ಹರ್ಯಾಣ 31.1 ಓವರ್‌ಗಳಲ್ಲಿ 5 ವಿಕೆಟಿಗೆ 144 ರನ್‌ ಬಾರಿಸಿತು. ಇದರೊಂದಿಗೆ ಆರೂ ಪಂದ್ಯಗಳನ್ನು ಗೆದ್ದು ನಾಕೌಟ್‌ ಪ್ರವೇಶಿಸಿದ ಹೆಗ್ಗಳಿಕೆ ಹರ್ಯಾಣದ್ದಾಯಿತು. ಕರ್ನಾಟಕದ ನಾಕೌಟ್‌ ಪ್ರವೇಶವೂ ಖಾತ್ರಿಯಾಗಿದೆ. ಮಂಗಳವಾರದ ಅಂತಿಮ ಲೀಗ್‌ ಪಂದ್ಯದಲ್ಲಿ ಅಗ ರ್ವಾಲ್‌ ಪಡೆ ಮಿಜೋರಂ ವಿರುದ್ಧ ಆಡಲಿದೆ.
3 ರನ್‌ ಆಗುವಷ್ಟರಲ್ಲಿ ಕರ್ನಾಟಕದ ಆರಂಭಿಕರಾದ ಮಾಯಾಂಕ್‌ ಅಗ ರ್ವಾಲ್‌ (0) ಮತ್ತು ಆರ್‌. ಸಮರ್ಥ್ (1) ಪೆವಿಲಿಯನ್‌ ಸೇರಿಕೊಂಡರು. ಬಿ.ಆರ್‌. ಶರತ್‌ (15), ನಿಕಿನ್‌ ಜೋಸ್‌ (3), ಅಭಿನವ್‌ ಮನೋಹರ್‌ (3), ಮನೋಜ್‌ ಭಾಂಡಗೆ (8) ಕೂಡ ತಂಡದ ಕೈ ಹಿಡಿಯಲಿಲ್ಲ. 42ಕ್ಕೆ 5 ವಿಕೆಟ್‌, 74ಕ್ಕೆ 8 ವಿಕೆಟ್‌ ಉದುರಿಸಿಕೊಂಡ ಕರ್ನಾಟಕ ನೂರರ ಗಡಿ ತಲುಪುವುದೂ ಕಷ್ಟ ಎಂಬ ಸ್ಥಿತಿಯಲ್ಲಿತ್ತು. 10ನೇ ಕ್ರಮಾಂಕದಲ್ಲಿ ಆಡಲು ಬಂದ ವಿಜಯ್‌ಕುಮಾರ್‌ ವೈಶಾಖ್‌ ಸಿಡಿದು ನಿಂತ ಪರಿಣಾಮ ಮೊತ್ತ ನೂರೈವತ್ತರ ಗಡಿಯತ್ತ ಮುಖ ಮಾಡಿತು. ವೈಶಾಖ್‌ 4 ಬೌಂಡರಿ, 4 ಸಿಕ್ಸರ್‌ ನೆರವಿನಿಂದ 54 ರನ್‌ ಕೊಡುಗೆ ಸಲ್ಲಿಸಿದರು (61 ಎಸೆತ).
Related Articles
ಚೇಸಿಂಗ್‌ ವೇಳೆ ಹರ್ಯಾಣ ಕೂಡ ಕುಸಿತಕ್ಕೆ ಸಿಲುಕಿತು. ಅಂಕಿತ್‌ ಕುಮಾರ್‌ (2), ಹಿಮಾಂಶು ರಾಣಾ (0), ಯುವ್ರಾಜ್‌ ಸಿಂಗ್‌ (19) 35 ರನ್‌ ಒಟ್ಟುಗೂಡುವಷ್ಟರಲ್ಲಿ ಪೆವಿಲಿಯನ್‌ ಸೇರಿಕೊಂಡರು. ಆದರೆ 4ನೇ ವಿಕೆಟಿಗೆ ಜತೆಗೂಡಿದ ನಿಶಾಂತ್‌ ಸಿಂಧು (43) ಮತ್ತು ರೋಹಿತ್‌ ಪ್ರಮೋದ್‌ ಶರ್ಮ (63) 99 ರನ್‌ ಜತೆಯಾಟ ನಿಭಾಯಿಸಿ ತಂಡವನ್ನು ಮೇಲೆತ್ತಿದರು. ವಾಸುಕಿ ಕೌಶಿಕ್‌ ಮತ್ತು ಜಗದೀಶ್‌ ಸುಚಿತ್‌ ತಲಾ 2 ವಿಕೆಟ್‌ ಕೆಡವಿದರು.
Advertisement
ಸಂಕ್ಷಿಪ್ತ ಸ್ಕೋರ್ಕರ್ನಾಟಕ-43.5 ಓವರ್‌ಗಳಲ್ಲಿ 143 (ವಿ. ವೈಶಾಖ್‌ 54, ಮನೀಷ್‌ ಪಾಂಡೆ 24, ಶರತ್‌ 15, ಸುಮಿತ್‌ 28ಕ್ಕೆ 3, ಚಹಲ್‌ 16ಕ್ಕೆ 2, ನಿಶಾಂತ್‌ 22ಕ್ಕೆ 2, ಅಂಶುಲ್‌ 29ಕ್ಕೆ 2). ಹರ್ಯಾಣ-31.1 ಓವರ್‌ಗಳಲ್ಲಿ 5 ವಿಕೆಟಿಗೆ 144 (ರೋಹಿತ್‌ 63, ನಿಶಾಂತ್‌ 43, ವಿ. ಕೌಶಿಕ್‌ 9ಕ್ಕೆ 2, ಸುಚಿತ್‌ 37ಕ್ಕೆ 2).