MQ-9B ಡ್ರೋನ್‌ ದೇಶಿಯ ತಯಾರಿಗೆ ಅಮೆರಿಕ ಬೆಂಬಲ

ಹೊಸದಿಲ್ಲಿ: ಶಕ್ತಿಶಾಲಿಯಾದ ಎಂಕ್ಯೂ- 9 ಬಿ ಡ್ರೋನ್‌ಗಳನ್ನು ದೇಶೀಯವಾಗಿ ತಯಾರು ಮಾಡಲು ಅಗತ್ಯವಿರುವ ತಾಂತ್ರಿಕ ಸಲಹೆಯನ್ನು ನೀಡುವ ಪ್ರಸ್ತಾವನೆಯನ್ನು ಅಮೆರಿಕ ಸಲ್ಲಿಸಿದೆ.

ಇಂತಹ 31 ಡ್ರೋನ್‌ಗಳಿಗಾಗಿ 25,730 ಕೋಟಿ ರೂ. ಮೌಲ್ಯದ ಒಪ್ಪಂದಕ್ಕೆ ಭಾರತ ಹಾಗೂ ಅಮೆರಿಕ ದೇಶಗಳು ಕಳೆದ ಕೆಲವು ವರ್ಷಗಳಿಂದ ಚರ್ಚೆ ನಡೆಸುತ್ತಿವೆ. ಇದರ ನಡುವೆಯೇ ಈ ಡ್ರೋನ್‌ಗಳನ್ನು ದೇಶೀಯವಾಗಿ ತಯಾರು ಮಾಡಲು ಬೆಂಬಲ ನೀಡುವ ಪ್ರಸ್ತಾವನೆಯನ್ನು ಅಮೆರಿಕ ನೀಡಿದೆ ಎಂದು ಮೂಲಗಳು ತಿಳಿಸಿವೆ. ಆದರೆ ಈ ಬಗ್ಗೆ ಇನ್ನು ಮಾತುಕತೆಗಳು ಮುಂದು ವರಿದಿದ್ದು, ನಿರ್ಧಾರ ಕೈಗೊಳ್ಳುವುದು ಬಾಕಿಯಿದೆ.

ಮೋದಿ ಸರಕಾರದ ಆಸೆಯಂತೆ ರಕ್ಷಣೆಗೆ ಸಂಬಂಧಿಸಿದ ಸಾಧನಗಳನ್ನು ಸಾಧ್ಯವಾದಷ್ಟು ದೇಶೀಯವಾಗಿ ತಯಾರು ಮಾಡುವ ನಿಟ್ಟಿನಲ್ಲಿ ಇದು ಮಹತ್ವದ ಹೆಜ್ಜೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

4 ಕಡೆ ನಿಯೋಜನೆ: ಎಂಕ್ಯೂ-9ಬಿ ಡ್ರೋನ್‌ಗಳನ್ನು ಚೆನ್ನೈ, ಗುಜರಾತ್‌ನ ನೌಕಾನೆಲೆಯಲ್ಲಿ ಹಾಗೂ ಉತ್ತರ ಪ್ರದೇಶದ ಸರಸಾವ ಮತ್ತು ಗೋರಖ್‌ಪುರ ವಾಯುನೆಲೆಗಳಲ್ಲಿ ನಿಯೋಜಿ ಸಲು ಯೋಜಿಸಲಾಗಿದೆ.