ಕಾನ್ಪುರ-ಭಿವಾನಿ ಕಾಲಿಂದಿ ಎಕ್ಸ್‌ಪ್ರೆಸ್‌ ಗೂಡ್ಸ್‌ ಟ್ರೈನಿಗೆ ಢಿಕ್ಕಿ

ತುಂಡ್ಲಾ (ಉತ್ತರ ಪ್ರದೇಶ) : ಇಂದು ಸೋಮವಾರ ನಸುಕಿನ ವೇಳೆ ದಿಲ್ಲಿಗೆ ಹೋಗುತ್ತಿದ್ದ ಕಾನ್ಪುರ-ಭಿವಾನಿ ಕಾಲಿಂದಿ ಎಕ್ಸ್‌ಪ್ರೆಸ್‌ ರೈಲು ಉತ್ತರ ಪ್ರದೇಶದ ತುಂಡ್ಲಾ ಜಂಕ್ಷನ್‌ನಲ್ಲಿ ಸರಕು ಸಾಗಣೆ ರೈಲಿಗೆ ಢಿಕ್ಕಿಯಾಗಿ ಹಳಿ ತಪ್ಪಿದೆ. 

ನಸುಕಿನ 2 ಗಂಟೆಯ ಸುಮಾರಿಗೆ 14723 ನಂಬರ್‌ನ ಕಾನ್ಪುರ ಭಿವಾನಿ ಕಾಲಿಂದಿ ಎಕ್ಸ್‌ಪ್ರೆಸ್‌ ರೈಲು ಆಗ್ರಾ ಸಮೀಪದ ಕ್ರಾಸಿಂಗ್‌ನಲ್ಲಿ ಸರಕು ರೈಲಿಗೆ ಢಿಕ್ಕಿಯಾಯಿತು. ಇದರಿಂದಾಗಿ ದಿಲ್ಲಿ – ಹೌರಾ ನಡುವಿನ ರೈಲು ಸಂಚಾರಕ್ಕೆ ಅಡಚಣೆ ಉಂಟಾಯಿತು ಎಂದು ರೈಲ್ವೆ ಮೂಲಗಳು ತಿಳಿಸಿವೆ. 

ಈ ಅವಘಡದಲ್ಲಿ ಯಾವುದೇ ಜೀವ ಹಾನಿ, ಗಾಯ, ಸೊತ್ತು ನಷ್ಟ ಉಂಟಾಗಿಲ್ಲ ಎಂದು ಮೂಲಗಳು ಹೇಳಿವೆ.