PaduBidri: ಬಸ್‌ ಢಿಕ್ಕಿ: ಪಾದಚಾರಿ ಸಾವು

ಪಡುಬಿದ್ರಿ: ಹೆಜಮಾಡಿ ಶಿವನಗರದಿಂದ ಪಡುಬಿದ್ರಿ ಕಡೆಗೆ ಮಂಗಳವಾರ ರಾತ್ರಿ 7.15ರ ಸುಮಾರಿಗೆ ರಸ್ತೆಯ ಬದಿಯಲ್ಲಿ ನಡೆದು ಸಾಗುತ್ತಿದ್ದ ಹಾವೇರಿ ತಾಲೂಕು ಮಾರನಬೀಡು ಗ್ರಾಮದವರಾದ ಎಲ್ಲಪ್ಪ (59) ಅವರಿಗೆ ಉಡುಪಿಯಿಂದ ಮಂಗಳೂರಿನತ್ತ ಹೋಗುತ್ತಿದ್ದ ತಡೆರಹಿತ ಬಸ್‌ ಢಿಕ್ಕಿಯಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ದಿನಗೂಲಿ ಕಾರ್ಮಿಕರಾಗಿದ್ದ ಅವರು ಹಾನಗಲ್‌ ತಾಲೂಕಿನ ರಮೇಶ್‌ ಬಸವಣ್ಯಪ್ಪ ಜತೆಗೆ ತಮ್ಮ ಕೆಲಸ ಮುಗಿಸಿ ವಾಸ್ತವ್ಯದ ಕೊಠಡಿಯತ್ತ ಹೋಗುವ ದಾರಿಯಲ್ಲಿ ಹೊಟೇಲೊಂದರಿಂದ ಆಹಾರದ ಪೊಟ್ಟಣ ತರಲು ಹೆದ್ದಾರಿ ಬದಿಯಲ್ಲಿ ನಿಂತಿದ್ದಾಗ ಅಪಘಾತ ಸಂಭವಿಸಿದೆ. ಪಡುಬಿದ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.