ಯುಎಇ “ಗೋಲ್ಡನ್‌ ವೀಸಾ’ಸೌಲಭ್ಯ

ದುಬಾೖ: ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ (ಯುಎಇ) ತನ್ನ ಗೋಲ್ಡನ್‌ ವೀಸಾ ಸೌಲಭ್ಯವನ್ನು ವಿಸ್ತರಿಸಿದ್ದು, ಉದ್ಯೋಗ ನಿಮಿತ್ತ ಯುಎಇಯನ್ನು ನೆಚ್ಚಿಕೊಂಡ ವಿದೇಶಿಯರಿಗೆ ಅನುಕೂಲ ಕಲ್ಪಿಸಿದೆ.

ಯುಎಇ ಪ್ರಧಾನಿ ಶೇಕ್‌ ಮೊಹಮ್ಮದ್‌ ಬಿನ್‌ ರಶೀದ್‌ ಅಲ್‌ ಮಕೌ¤ಮ್‌ ಈ ವಿಚಾರ ಘೋಷಿ­ಸಿದ್ದು, ಸಹಸ್ರಾರು ಮಂದಿ ಭಾರತೀಯರೂ ಸೇರಿದಂತೆ ಗೋಲ್ಡನ್‌ ವೀಸಾ ಪಡೆದವರು ಪತ್ನಿ, ಮಕ್ಕಳೊಂದಿಗೂ ಯುಎಇ ನೆಲದಲ್ಲಿ 10 ವರ್ಷ ವಾಸವಿರಬಹುದು.

ಗೋಲ್ಡನ್‌ ವೀಸಾ ಎಲ್ಲರಿಗೂ ಲಭ್ಯವಿರುವು­ದಿಲ್ಲ. ಈ ವೀಸಾ ಪಡೆಯಲು ಅಲ್ಲಿನ ಸರ್ಕಾರ ವಿವಿಧ ವೃತ್ತಿ, ವಿದ್ಯಾಭ್ಯಾಸ, ಕೌಶಲ ಆಧರಿಸಿ ಕೆಲವು ಅತ್ಯುನ್ನತ ಅರ್ಹತೆಗಳನ್ನೇ ಮುಂದಿಟ್ಟಿದೆ. ಯುಎಇ ನಿಗದಿಪಡಿಸಿದ ಜಗತ್ತಿನ ಟಾಪ್‌ 500 ವಿವಿಗಳಲ್ಲಿ ಪಿಎಚ್‌ಡಿ ಪೂರೈಸಿದವರು, ವೈದ್ಯರು, ಎಂಜಿನಿಯರ್‌ಗಳು (ಕಂಪ್ಯೂಟರ್‌, ಎಲೆಕ್ಟ್ರಾನಿಕ್ಸ್‌, ಪ್ರೋಗ್ರಾಮಿಂಗ್‌, ಎಲೆಕ್ಟ್ರಿಕಲ್ಸ್‌, ಆ್ಯಕ್ಟಿವ್‌ ಟೆಕ್ನಾಲಜಿ, ಎಐ ಮತ್ತು ಬಿಗ್‌ ಡೇಟಾ ಎಂಜಿನಿಯರ್‌), ವಿಜ್ಞಾನಿಗಳು, ಸಂಶೋಧಕರು, ಆವಿಷ್ಕಾರಿಗಳು, ಆರ್ಟಿಸ್ಟ್‌ಗಳು, ಹೂಡಿಕೆದಾರರು ಈ ವೀಸಾ ಪಡೆಯಬಹುದು. ಮಾನ್ಯತೆ ಪಡೆದ ವಿವಿಗಳಲ್ಲಿ ಸ್ನಾತಕೋತ್ತರ ಪದವಿ ಪಡೆದ ಅಭ್ಯರ್ಥಿಗಳಿಗೆ ಈ ವೀಸಾ ಲಭ್ಯವಿರಲಿದೆ.