America: ಎಚ್‌-1ಬಿ ವೀಸಾ ವ್ಯವಸ್ಥೆ ಸುಧಾರಣೆ ಬೇಕು: ಒಂದೇ ದಿನದಲ್ಲಿ ಮಸ್ಕ್ ಉಲ್ಟಾ!

ವಾಷಿಂಗ್ಟನ್‌: ಅಮೆರಿಕದಲ್ಲಿ ಜಾರಿಯಲ್ಲಿರುವ ಎಚ್‌-1 ಬಿ ವೀಸಾ ವ್ಯವಸ್ಥೆಯಲ್ಲಿ ಭಾರಿ ದೋಷವಿದ್ದು, ಶೀಘ್ರ ಇದರಲ್ಲಿ ಸುಧಾರಣೆ ತರಬೇಕು ಎಂದು ಉದ್ಯಮಿ ಎಲಾನ್‌ ಮಸ್ಕ್ ಸೋಮವಾರ ಹೇಳಿದ್ದಾರೆ.

ಎಚ್‌-1 ಬಿ ವೀಸಾ ಅಮೆರಿಕಕ್ಕೆ ಬೇಕು ಎಂದು ಹೇಳಿದ್ದ ಒಂದು ದಿನದ ಬಳಿಕ ಮಸ್ಕ್ ಉಲ್ಟಾ ಹೊಡೆದಿದ್ದಾರೆ. 2 ದಿನಗಳ ಹಿಂದೆ ಮಾತನಾಡಿದ್ದ ವೀಸಾ ಬಗ್ಗೆ ಮಸ್ಕ್, ಭಾರತೀಯ ಮೂಲದ ಉದ್ಯಮಿ ವಿವೇಕ್‌ ರಾಮಸ್ವಾಮಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಇದೀಗ ಈ ವೀಸಾ ವ್ಯವಸ್ಥೆಯನ್ನು ಮಸ್ಕ್ ವಿರೋಧಿಸಿದ್ದು, ಭಾರತೀಯರಿಗೆ ಹೆಚ್ಚು ಅನುಕೂಲ ಒದಗಿಸುವ ಎಚ್‌-1 ಬಿ ವೀಸಾಗೆ ಸಂಬಂಧಿಸಿದಂತೆ ಅಮೆರಿಕ ಯಾವ ನಿರ್ಧಾರ ಕೈಗೊಳ್ಳಲಿದೆ ಎಂಬ ಕುತೂಹಲ ಮೂಡಿದೆ.