NIA: ಅಕ್ರಮಕ್ಕೆ ದುಬಾೖಯಿಂದ ಹಣ: ಪಿಎಫ್ಐ ಕಾರ್ಯಕರ್ತ ಸೆರೆ

ಹೊಸದಿಲ್ಲಿ: ಕರ್ನಾಟಕ, ಕೇರಳ, ಯುಎ­ಇಗಳಲ್ಲಿರುವ ಸಿಂಡಿಕೇಟ್‌ಗಳನ್ನು ಬಳಸಿ­ಕೊಂಡು ದುಬಾೖಯಿಂದ ಹಣ ಕ್ರೋಡೀ­ಕರಿಸಿ, ಆ ಹಣವನ್ನು ಬಿಹಾರದಲ್ಲಿರುವ ನಿಷೇಧಿತ ಸಂಘಟನೆ ಪಿಎಫ್ಐನ ಕಾರ್ಯ­ಕರ್ತರಿಗೆ ಹಂಚುತ್ತಿದ್ದ ಆರೋಪದಲ್ಲಿ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಮೊಹಮ್ಮದ್‌ ಸಾಜ್ಜದ್‌ ಆಲಂ ಎಂಬ ಪಿಎಫ್ಐ ಕಾರ್ಯಕರ್ತನನ್ನು ಬಂಧಿಸಿರು­ವುದಾಗಿ ರವಿವಾರ ಹೇಳಿದೆ.

ಬಿಹಾರದ ಪೂರ್ವ ಚಂಪಾರಣ್‌ ಜಿಲ್ಲೆಯ ಮೂಲದವನಾದ ಸಾಜ್ಜದ್‌, ಶನಿವಾರ ದುಬಾೖಯಿಂದ ದಿಲ್ಲಿಯ ಇಂದಿರಾ ಗಾಂಧಿ ವಿಮಾನ ನಿಲ್ದಾಣಕ್ಕೆ ಬಂದು ಇಳಿಯುತ್ತಿದ್ದಂತೆಯೇ ಆತನನ್ನು ಎನ್‌ಐಎ ಅಧಿಕಾರಿಗಳು ಬಂಧಿದ್ದಾರೆ. ಪಿಎಫ್ಐನ ಕಾರ್ಯಕರ್ತನಾಗಿರುವ ಈತನ ವಿರುದ್ಧ ಈ ಹಿಂದೆಯೇ ಎನ್‌ಐಎ ಅರೆಸ್ಟ್‌ ವಾರಂಟ್‌ ನೀಡಿತ್ತು. ಜತೆಗೆ ಲುಕ್‌ಔಟ್‌ ನೋಟಿಸ್‌ ಕೂಡ ನೀಡಿತ್ತು.

ದುಬಾೖಯಿಂದ ಕ್ರೋಡೀಕರಿಸಿದ ಹಣವನ್ನು ಬಿಹಾರಕ್ಕೆ ತಲುಪಿಸಿ, ಆ ಮೂಲಕ ಪಿಎಫ್ಐ ಅಜೆಂಡಾದಂತೆ ದೇಶದಲ್ಲಿ ಉಗ್ರ ಕೃತ್ಯಗಳು, ಕಾನೂನು ಬಾಹಿರ ಚಟುವಟಿಕೆಗಳು ಜತೆಗೆ ಭಾರತದಲ್ಲಿ 2047ರ ವೇಳಗೆ ಇಸ್ಲಾಮಿಕ್‌ ರೂಲ್‌ ರೂಪಿಸಿರುವ ಸಂಚನ್ನು ಪಿಎಫ್ಐ ಹೊಂದಿದೆ ಎಂದು ಎನ್‌ಐಎ ಅಧಿಕಾರಿಗಳು ಹೇಳಿದ್ದಾರೆ.