ಒಂದೇ ದಿನ ಎರಡು “ಕ್ರಿಕೆಟ್‌ ಮದುವೆ’!

ಮೀರತ್‌/ಮುಂಬಯಿ: ನ. 23ರ ಗುರುವಾರ ಭಾರತೀಯ ಕ್ರಿಕೆಟಿಗರಿಬ್ಬರ ಪಾಲಿಗೆ ಮದುವೆಯ ಸಡಗರ-ಸಂಭ್ರಮ.

ಟೀಮ್‌ ಇಂಡಿಯಾದ ಪ್ರಮುಖ ಬೌಲರ್‌ ಭುವನೇಶ್ವರ್‌ ಕುಮಾರ್‌ ಅವರು ಮೀರತ್‌ನಲ್ಲಿ ಬಾಲ್ಯದ ಗೆಳತಿ ನೂಪುರ ನಗರ್‌ ಅವರನ್ನು ವರಿಸಿದರು. ಈ ಮದುವೆ ಸಂಪ್ರದಾಯದಂತೆ ನೆರವೇರಿತು. ಇತ್ತ ಮುಂಬಯಿಯಲ್ಲಿ ಭಾರತ ತಂಡದ ಮಾಜಿ ಬೌಲರ್‌ ಜಹೀರ್‌ ಖಾನ್‌ ಮತ್ತು ಸಾಗರಿಕಾ ಘಾಟ್ಗೆ ವಿವಾಹ ನೋಂದಣಿ ಕಚೇರಿಯಲ್ಲಿ, ಆಪ್ತರ ಹಾಗೂ ಮಿತ್ರರ ಸಮ್ಮುಖದಲ್ಲಿ ಸರಳವಾಗಿ ನಡೆಯಿತು.