Dengue cases: 486 ಮಂದಿಯಲ್ಲಿ ಡೆಂಘೀ ದೃಢ; ಸೋಂಕಿತರ ಸಂಖ್ಯೆ 13,754ಕ್ಕೆ ಏರಿಕೆ

ಬೆಂಗಳೂರು: ರಾಜ್ಯದಲ್ಲಿ ಕಳೆದ 24 ಗಂಟೆಯಲ್ಲಿ 486 ಮಂದಿಯಲ್ಲಿ ಡೆಂಘೀ ದೃಢವಾಗಿದ್ದು, ಆ ಮೂಲಕ ಸೋಂಕಿತರ ಸಂಖ್ಯೆ 13754ಕ್ಕೆ ಏರಿಕೆಯಾಗಿದೆ.

ಪ್ರಸ್ತುತ ರಾಜ್ಯದಲ್ಲಿ ಒಟ್ಟು 3404 ಡೆಂ à ಸಕ್ರಿಯ ಪ್ರಕರಣಗಳಿವೆ. ಅದರಲ್ಲಿ 2923 ಮಂದಿ ಗೃಹ ಚಿಕಿತ್ಸೆ ಹಾಗೂ 481 ಮಂದಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸೋಂಕಿತರ ಮರಣ ಪ್ರಮಾಣ ಶೇ.0.07ರಷ್ಟಿದೆ. ಜು.20ರಂದು 424ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ.

ರಾಜ್ಯದಲ್ಲಿ ಇದುವರೆಗೆ ವರ್ಷದೊಳಗಿನ 231 ಹಾಗೂ 18ವರ್ಷದೊಳಗೆ 4764 ಮಕ್ಕಳು, 18 ವರ್ಷ ಮೇಲ್ಪಟ್ಟ 5759 ಮಂದಿ ಡೆಂಘೀ ದೃಢವಾಗಿದೆ.

ರಾಜ್ಯಾದ್ಯಂತ ಒಟ್ಟು 10ಮಂದಿ ಡೆಂ àಯಿಂದ ಮೃತಪಟ್ಟಿದ್ದಾರೆ. ಶನಿವಾರ ಬಿಬಿಎಂಪಿ ವ್ಯಾಪ್ತಿಯಲ್ಲಿ  296, ಹಾಸನ 45, ಧಾರವಾಡ 23, ದಾವಣಗೆರೆ 20, ಬೀದರ್‌ 16, ಮಂಡ್ಯ, ಹಾವೇರಿ 13, ಬೆಂಗಳೂರು ನಗರ, ಕಲಬುರಗಿ 11, ವಿಜಯನಗರ 9, ಉಡುಪಿ 7, ಬಳ್ಳಾರಿ, ಶಿವಮೊಗ್ಗ 4, ಕೊಪ್ಪಳ, ಮಾದಗಿರಿ, ಕೊಡಗು 3, ದಕ್ಷಿಣ ಕನ್ನಡ 2, ಉ.ಕ., ಗದಗ, ವಿಜಯಪುರ ಜಿಲ್ಲೆಯಲ್ಲಿ ಒಂದು ಡೆಂಘೀ ಪ್ರಕರಣ ವರದಿಯಾಗಿದೆ.