ಟೇಬಲ್‌ ಟೆನಿಸ್‌: ಭಾರತಕ್ಕೆ ಸೋಲು

ಬುಸಾನ್‌ (ದಕ್ಷಿಣ ಕೊರಿಯಾ): ಭಾರತದ ಪುರುಷರ ಹಾಗೂ ವನಿತಾ ಟೇಬಲ್‌ ಟೆನಿಸ್‌ ತಂಡಗಳೆರಡೂ “ವಿಶ್ವ ಟೀಮ್‌ ಚಾಂಪಿಯನ್‌ಶಿಪ್‌’ನ ಪ್ರಿ-ಕ್ವಾರ್ಟರ್‌ ಫೈನಲ್‌ನಲ್ಲಿ ಸೋಲನುಭವಿಸಿವೆ. ಇದರಿಂದ ಪ್ಯಾರಿಸ್‌ ಒಲಿಂಪಿಕ್ಸ್‌ ಅರ್ಹತೆ ತಪ್ಪಿದೆ.

ಪುರುಷರ ತಂಡ ಕೊರಿಯಾ ಗಣರಾಜ್ಯ ವಿರುದ್ಧ 3-0 ಅಂತರದಿಂದ ಮುಗ್ಗರಿಸಿತು. ಹರ್ಮೀತ್‌ ದೇಸಾಯಿ, ಅಚಂತ ಶರತ್‌ ಕಮಲ್‌ ಮತ್ತು ಜಿ. ಸಥಿಯನ್‌ ಪರಾಭವಗೊಂಡರು.

ಇದಕ್ಕೂ ಮೊದಲು ವನಿತಾ ತಂಡ ಚೈನೀಸ್‌ ತೈಪೆ ವಿರುದ್ಧ 3-1 ಅಂತರ ದಿಂದ ಸೋಲನುಭವಿಸಿತ್ತು. ಏಕೈಕ ಜಯವನ್ನು ಮಣಿಕಾ ಬಾತ್ರಾ ಮೊದಲ ಸುತ್ತಿನಲ್ಲಿ ತಂದಿತ್ತಿದ್ದರು. ಬಳಿಕ ಶ್ರೀರಾಜ್‌ ಅಕುಲ, ಐಹಿಕಾ ಮುಖರ್ಜಿ ಮತ್ತು ದ್ವಿತೀಯ ಸುತ್ತಿನ ಸಿಂಗಲ್ಸ್‌ ಆಡಲಿಳಿದ ಮಣಿಕಾ ಗೆಲುವು ಕಾಣಲಿಲ್ಲ.