ಲಾಕ್‌ಡೌನ್‌ನಲ್ಲಿ ಸುದೀಪ್‌ ವರ್ಕೌಟ್‌

ಪೈಲ್ವಾನ್‌ ಚಿತ್ರಕ್ಕಾಗಿ ಸುದೀಪ್‌ ಜಿಮ್‌ನಲ್ಲಿ‌ ಕಸರತ್ತು ಮಾಡಿ, ಬಾಡಿ ಬಿಲ್ಡ್‌ ಮಾಡಿರೋದು ನಿಮಗೆ ಗೊತ್ತೇ ಇದೆ. ಜಿಮ್‌ ಕಡೆಗೆ ಮುಖ ಮಾಡದೇ ಇದ್ದ ಸುದೀಪ್‌ ಆ ಚಿತ್ರಕ್ಕಾಗಿ ಕಟ್ಟುನಿಟ್ಟಿನ ಡಯೆಟ್‌ ಪಾಲಿಸಿ, ಫಿಟ್‌ ಆಗಿದ್ದರು. ಈಗ  ಸುದೀಪ್‌ ಮತ್ತೂಮ್ಮೆ ಬಾಡಿ ಬಿಲ್ಡ್‌ ಮಾಡಲು ಹೊರಟಿದ್ದಾರೆ. ಅದಕ್ಕೆ ಮುಖ್ಯವಾಗಿ ಎರಡು ಕಾರಣ, ಮೊದಲನೇಯದಾಗಿ ಲಾಕ್‌ಡೌನ್‌ ಸಮಯದ ಸದುಪಯೋಗ, ಎರಡನೇಯದಾಗಿ ಫ್ಯಾಂಟಮ್‌. ಹೌದು, ಲಾಕ್‌ ಡೌನ್‌ನಿಂದಾಗಿ  ಸುದೀಪ್‌ ಮನೆಯಲ್ಲೇ ಇದ್ದಾರೆ.

ಈ ಸಮಯವನ್ನು ಸದುಪಯೋಗಪಡಿಸಿಕೊಳ್ಳಬೇಕೆಂದು ನಿರ್ಧರಿಸಿದ ಸುದೀಪ್‌ ಮತ್ತೆ ಜಿಮ್‌ ಮಾಡಿದ್ದಾರೆ. ತಮ್ಮ ಮನೆಯಲ್ಲೇ ಜಿಮ್‌ ಜೊತೆಗೆ ಡಯೆಟ್‌ ಪಾಲಿಸಿ ಫಿಟ್‌ ಆಗಿದ್ದಾರೆ. ಇತ್ತೀಚೆಗೆ ಸುದೀಪ್‌ ಅವರ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದ್ದು, ಅಭಿಮಾನಿಗಳು ಖುಷಿಯಾಗಿದ್ದಾರೆ. ತಮ್ಮ ನೆಚ್ಚಿನ ನಟ ಮತ್ತೂಮ್ಮೆ ಬಾಡಿ ಬಿಲ್ಡ್‌ ಮಾಡಿರೋದು ಅಭಿಮಾನಿಗಳಿಗೆ ಖುಷಿ ನೀಡಿದೆ. ಅಂದಹಾಗೆ, ಸುದೀಪ್‌ ಅವರ ಈ  ವರ್ಕೌಟ್‌ ಗೆ ಮತ್ತೂಂದು ಕಾರಣ ಫ್ಯಾಂಟಮ್‌ ಚಿತ್ರ. ಈ ಚಿತ್ರದಲ್ಲಿ ಸುದೀಪ್‌ ಹೊಸ ಗೆಟಪ್‌ನಲ್ಲಿ ಕಾಣಿಸಿಕೊಳ್ಳುತಿದ್ದು, ಆ ಕಾರಣದಿಂದಲೂ ರ್ಕೌಟ್‌ ಮಾಡುತ್ತಿದ್ದಾರೆನ್ನಲಾಗಿದೆ.

ಈ ಚಿತ್ರವನ್ನು ಅನೂಪ್‌ ಭಂಡಾರಿ ನಿರ್ದೇಶಿಸುತ್ತಿದ್ದಾರೆ.  ಚಿತ್ರದಲ್ಲಿ ನಿರೂಪ್‌ ಭಂಡಾರಿ ಕೂಡಾ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಇದು ಔಟ್‌ ಅಂಡ್‌ ಔಟ್‌ ಅಕ್ಷನ್‌ ಸಿನಿಮಾವಾಗಿದ್ದು, ಈ ಲಾಕ್‌ಡೌನ್‌ನಲ್ಲಿ ಸುದೀಪ್‌ ವರ್ಕೌಟ್ ಹಿಂದೆ ಅಭಿಮಾನಿಗಳು ನೋಡಿರದ ರೀತಿಯಲ್ಲಿ ಸುದೀಪ್‌  ಅವರನ್ನು ತೋರಿಸಬೇಕೆಂಬ ಉದ್ದೇಶ ಚಿತ್ರತಂಡದಕ್ಕಿರೋದರಿಂದ ಅವರ ಕನಸಿಗೆ ಸುದೀಪ್‌ ಕೂಡಾ ಸಾಥ್‌ ನೀಡುತ್ತಿದ್ದಾರೆ. ಸುದೀಪ್‌ ಅವರ ವರ್ಕೌಟ್‌ ಫೋಟೋಗೆ ಚಿತ್ರರಂಗದ ಮಂದಿ ಕೂಡಾ ಫಿದಾ ಆಗಿ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.