ಕಿಚ್ಚ ಸುದೀಪ್ ಈ ಬಾರಿ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುವುದಿಲ್ಲ ಎಂದು ಹೇಳಿದ್ದರು. ಅಭಿಮಾನಿಗಳಿಗೂ ಸಹ ತಿಳಿಹೇಳಿದ್ದರು. ಹೇಳಿದಂತೆ ಸುದೀಪ್ ಪಾಲಿಸಿದ್ದಾರೆ ಕೂಡ. ನಿನ್ನೆ (ಸೆ. 2) ರಂದು ಸುದೀಪ್ ಹುಟ್ಟುಹಬ್ಬ. ಈ ಹಿನ್ನೆಲೆಯಲ್ಲಿ “ದಿ ವಿಲನ್‌’ ಚಿತ್ರದ ಮೋಷನ್‌ ಪೋಸ್ಟರ್‌ವೊಂದು ಬಿಡುಗಡೆಯಾಗಿದೆ. ಈ ಸಂದರ್ಭದಲ್ಲಿ ಸುದೀಪ್ ಅವರು ಮೊದಲ ಸಲ ಫೇಸ್‌ಬುಕ್‌ ಲೈವ್‌ಗೆ ಬಂದಿದ್ದರು. ಅವರು ಫೇಸ್‌ ಬುಕ್‌ ಲೈವ್‌ನಲ್ಲಿ ತಮ್ಮ ಪಾತ್ರದ ಕುರಿತು ಏನೆಲ್ಲಾ ಹೇಳಿದರು ಎಂಬ ಮಾಹಿತಿ ಇಲ್ಲಿದೆ.
“ನಾನು ಸ್ವಲ್ಪ ದೂರವಿದ್ದೆ. ಎಲ್ಲರೂ ಕ್ಷಮಿಸಿ. ಯಾಕಂದ್ರೆ, ತುಂಬಾ ಜನ ನಿರಾಶರಾಗಿದ್ದಾರೆ. ನಿರಾಶೆ ಮಾಡುವುದು ನನ್ನ ಉದ್ದೇಶವಲ್ಲ. ನಾನು ಬರ್ತ್‌ಡೇ ಆಚರಿಸಿಕೊಳ್ಳದಿರಲು ನಿಜವಾಗಲೂ ಒಂದು ಬಲವಾದ ಕಾರಣವಿದೆ. ಅದನ್ನ ನಿಮಗೆ ಹೇಳ್ತಿನಿ. ದಿ ವಿಲನ್‌ ಮೋಷನ್‌ ಪೋಸ್ಟರ್‌ ಬಿಡುಗಡೆಯಾಗಿದೆ.
ಒಳ್ಳೆ ಅಭಿಪ್ರಾಯ ಬರುತ್ತಿದೆ. ಶಿವಣ್ಣಗೆ ಥ್ಯಾಂಕ್ಸ್‌ ಹೇಳ್ತೀನಿ. ಯಾಕಂದ್ರೆ, ಅವರ ಜೊತೆ ಸಿನಿಮಾ ಮಾಡುವ ಅವಕಾಶ ಸಿಕ್ತು. ನಿಮ್ಮ ಜೊತೆ ಈ ಸಿನಿಮಾ ಮಾಡಿದ್ದು ಅದ್ಭುತ. ಸೆಟ್‌ನಲ್ಲೂ ಅಷ್ಟೇ ಸೂಪರ್‌. ಇನ್ನು, ನಿರ್ದೇಶಕ ಪ್ರೇಮ್‌ ತುಂಬಾ ಅದ್ಭುತವಾಗಿ ಸಿನಿಮಾ ಮಾಡಿದ್ದಾರೆ. ತುಂಬಾ ಪ್ಯಾಷನ್‌ ಹೊಂದಿರುವ ನಿರ್ದೇಶಕ. ಮೋಷನ್‌ ಪೋಸ್ಟರ್‌ ನೋಡಿ ತುಂಬ ಖುಷಿ ಯಾಯ್ತು. ಪ್ರೇಮ… ರಿಲೀಸ್‌ ಮಾಡಿರುವುದು “ದಿ ವಿಲನ್‌’ ಚಿತ್ರದಲ್ಲಿ ನನ್ನದು ಒಂದೇ ಗೆಟಪ್‌. ಆದರೆ, ಈ ಚಿತ್ರದಲ್ಲಿ ನನ್ನದು ಮೂರು ವಿಭಿನ್ನ ಗೆಟಪ್‌ಗ್ಳಿವೆ. ಅದನ್ನ ಪ್ರೇಮ್‌ ಬಿಟ್ಟಿಲ್ಲ. ಇನ್ನೊಂದು ಗೆಟಪ್‌ ಅತಿ ಶೀಘ್ರದಲ್ಲೇ ನಿಮ್ಮ ಮುಂದೆ ಬರುತ್ತೆ. “ದಿ ವಿಲನ್‌” ಚಿತ್ರಕ್ಕೆ ಅರ್ಜುನ್‌ ಜನ್ಯ ಅದ್ಭುತ ಸಂಗೀತ ನೀಡಿದ್ದಾರೆ. ನಾನು ಕೂಡ ಎರಡು ಸಾಲು ಹಾಡು ಕೇಳಿದೆ. ತುಂಬಾ ಇಷ್ಟವಾಯ್ತು.’
ಹೀಗೆ ಫೇಸ್‌ಬುಕ್‌ ಲೈವ್‌ನಲ್ಲಿ ಸುದೀಪ್ “ದಿ ವಿಲನ್‌’ ಚಿತ್ರದ ಮೋಷನ್‌ ಪೋಸ್ಟರ್‌ ಹಾಗೂ ಶಿವರಾಜ್‌ಕುಮಾರ್‌, ಪ್ರೇಮ್‌ ಅರ್ಜುನ್‌ ಜನ್ಯ ಬಗ್ಗೆ ಹೇಳಿಕೊಂಡರು ಸುದೀಪ್
