ಸಿಂದಗಿ ಉಪಚುನಾವಣೆ: ಮತದಾನಕ್ಕೆ ಕಾಸರಗೋಡಿನಿಂದ ಬಂದ ಗುಳೆಹೋಗಿದ್ದ ಜನ

ವಿಜಯಪುರ: ಸಿಂದಗಿ ಉಪ ಚುನಾವಣೆಯಲ್ಲಿ ಜೆಡಿಎಸ್ ಅಭ್ಯರ್ಥಿ ನಾಜಿಯಾ ಅಂಗಡಿ ಕುಟುಂಬ ಸದಸ್ಯರೊಂದಿಗೆ ಮತಗಟ್ಟೆಗೆ ಆಗಮಿಸಿ ಮತದಾನ ಮಾಡಿದರು.

ಗಣಿಹಾರ ಗ್ರಾಮದ 236 ಸಂಖ್ಯೆಯ ಮತಗಟ್ಟೆಗೆ ಆಗಮಿಸಿ ಮತದಾನ ಮಾಡಿದರು. ಬೆಳಿಗ್ಗೆ ನೀರಸವಾಗಿದ್ದ ಮತದಾನ 11 ರ ನಂತರ ಬಿರುಸು ಪಡೆಯಿತು.

ಇದನ್ನೂ ಓದಿ:ಹಾನಗಲ್ ಉಪಚುನಾವಣೆ: ಮೂರು ಕಡೆ ಕೈಕೊಟ್ಟ ಮತಯಂತ್ರ

ಗಣಿಹಾರ ಗ್ರಾಮದಲ್ಲಿ ನೂರಾರು ಮತದಾರರು ಸರತಿ ಸಾಲಿನಲ್ಲಿ ನಿಂತು ಮತದಾನ ಮಾಡಿದರು.

ಈ ಗ್ರಾಮದಿಂದ ಕೇರಳ ರಾಜ್ಯಕ್ಕೆ ಗುಳೆಹೋಗಿದ್ದ ಸುಮಾರು ನೂರಾರು ಯುವಕರು ಚುನಾವಣೆ ಹಿನ್ನೆಲೆಯಲ್ಲಿ ಗ್ರಾಮಕ್ಕೆ ಆಗಮಿಸಿ ಮತದಾನ ಮಾಡಿದರು.

ಮತದಾನದ ಹಿನ್ನೆಲೆಯಲ್ಲಿ ಸ್ವಂತ ಖರ್ಚಿನಲ್ಲಿ ಕೇರಳದ ಕಾಸರಗೋಡು ಪಟ್ಟಣದಿಂದ ಆಗಮಿಸಿದ್ದೇನೆ. ಮತದಾನ ಮಾಡುವುದು ನನ್ನ ಕರ್ತವ್ಯ ಸುರೇಶ ಕುಂಬಾರ ಪ್ರತಿಕ್ರಿಯಿಸಿದರು.