ಎಸ್‌ಡಿಎ ಪರೀಕ್ಷೆಗೆ 2 ತಿಂಗಳು ಬಾಕಿ…: ಪರೀಕ್ಷೆ ನಡೆಯುವ ದಿನ ಸೆಪ್ಟಂಬರ್‌ 18, 19

ನೆಮ್ಮದಿಯ ಬದುಕಿಗೆ ನೆರವಾಗುವ ನೌಕರಿಗಳ ಪೈಕಿ ಕ್ಲರ್ಕ್‌ ಹುದ್ದೆಗೆ ಮೊದಲ ಸ್ಥಾನ. ಸೈನ್ಸ್‌, ಆರ್ಟ್ಸ್, ಕಾಮರ್ಸ್‌… ಹೀಗೆ ಯಾವುದೇ ವಿಭಾಗದಲ್ಲಿ ಓದಿದ್ದರೂ ಈ ಪರೀಕ್ಷೆ ಬರೆಯಬಹುದು. ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಗೆ ಸೆಪ್ಟಂಬರ್‌ 18 ಮತ್ತು 19 ರಂದು ಸ್ಪರ್ಧಾತ್ಮಕ ಪರೀಕ್ಷೆ ನಡೆಸಲಾಗುವುದು ಎಂದು ಈಗಾಗಲೇ ಕರ್ನಾಟಕ ಲೋಕಸೇವಾ ಆಯೋಗದ (ಕೆಪಿಎಸ್‌ ಸಿ) ಪ್ರಕಟಣೆ ತಿಳಿಸಿದೆ. ಈ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಹೇಗಿರುತ್ತದೆ. ಅದರಲ್ಲಿ ಯಶಸ್ಸು ಪಡೆಯುವುದು ಹೇಗೆ ಎನ್ನುವುದಕ್ಕೆ ಉತ್ತರ ರೂಪದಲ್ಲಿ ಈ ಬರಹ.

ಏನೇನಿರುತ್ತದೆ?
ಈ ಪರೀಕ್ಷೆಯಲ್ಲಿ ಆಬೆjಕ್ಟಿವ್‌ ಮಾದರಿಯ ಪ್ರಶ್ನೆಗಳು ಇರುತ್ತವೆ. ಕಡ್ಡಾಯ ಕನ್ನಡ, ಸಾಮಾನ್ಯ ಕನ್ನಡ ಮತ್ತು ಸಾಮಾನ್ಯ ಜ್ಞಾನ ಎಂಬ ಮೂರು ವಿಭಾಗದ ಪ್ರಶ್ನೆ ಪತ್ರಿಕೆಗಳು ಇರುತ್ತವೆ. ಕಡ್ಡಾಯ ಕನ್ನಡ ಪರೀಕ್ಷೆಯಲ್ಲಿ ಪಡೆದ ಅಂಕಗಳನ್ನು ಅಂತಿಮ ರ್‍ಯಾಂಕಿಂಗ್‌ ಪಟ್ಟಿಯಲ್ಲಿ ಲೆಕ್ಕಕ್ಕೆ ತೆಗೆದುಕೊಳ್ಳುವುದಿಲ್ಲ. ಸಾಮಾನ್ಯ ಕನ್ನಡ ಮತ್ತು ಸಾಮಾನ್ಯ ಜ್ಞಾನ ವಿಷ ಯದ ಪ್ರಶ್ನೆ ಪತ್ರಿಕೆಗಳು ತಲಾ 100 ಅಂಕ ಹೊಂದಿರುತ್ತವೆ.

ನೌಕರಿ ಪಡೆಯಬೇಕೆಂದರೆ, ಹೆಚ್ಚು ಅಂಕ ಪಡೆಯಲೇಬೇಕು. ಸಾಮಾನ್ಯ ಜ್ಞಾನ ವಿಷಯದಲ್ಲಿ ಎಂಥವರೂ ಎಡವುವ ಸಾಧ್ಯತೆ ಹೆಚ್ಚು. ಏಕೆಂದರೆ, ಕೆಲವು ಪ್ರಶ್ನೆಗಳಿಗೆ ಲಭ್ಯವಿರುವ ನಾಲ್ಕು ಉತ್ತರಗಳ ಪೈಕಿ ಯಾವುದು ಸರಿ ಉತ್ತರ ಎಂದು ನಿರ್ಧ ರಿಸುವುದೇ ಕಷ್ಟವಾಗುತ್ತದೆ. ಆದರೆ, ಸಾಮಾನ್ಯ ಕನ್ನಡ ವಿಷಯದಲ್ಲಿ ಇಂಥ ಗೊಂದಲ ಇರುವು ದಿಲ್ಲ. ಕನ್ನಡ ಭಾಷೆಯ ಹಿನ್ನೆಲೆ, ಪದಗಳ ಅರ್ಥ, ವ್ಯಾಕರಣ ಚೆನ್ನಾಗಿ ಗೊತ್ತಿದ್ದರೆ, ಹೆಚ್ಚು ಅಂಕಗಳನ್ನು ನಿರಾಯಾಸವಾಗಿ ಪಡೆಯಬಹುದು.

ಸಾಮಾನ್ಯ ಕನ್ನಡ ಅಂದರೆ ಏನೇನು ಓದಬೇಕು?
– ಕನ್ನಡ ಭಾಷೆ ಮತ್ತು ಸಾಹಿತ್ಯ, – ಸಮಾನಾರ್ಥಕ/ ವಿರುದ್ಧ ಪದಗಳನ್ನು ಬರೆಯುವುದು – ನುಡಿಗಟ್ಟುಗಳ ಅರ್ಥ ಗ್ರಹಿಸುವುದು – ಬಿಟ್ಟ ಸ್ಥಳವನ್ನು ತುಂಬುವುದು – ಹೊಂದಿಸಿ ಬರೆಯುವುದು – ಗುಂಪಿಗೆ ಸೇರದ ಪದವನ್ನು ಗುರುತಿಸುವುದು – ಪ್ಯಾರಾ ಓದಿ ಪ್ರಶ್ನೆಗಳಿಗೆ ಉತ್ತರಿಸಿ – ಇಂಥ ವಿಷಯಗಳ ಬಗ್ಗೆ ಪ್ರಶ್ನೆಗಳಿರುತ್ತವೆ.

ಸಾಮಾನ್ಯ ಜ್ಞಾನ ವಿಷಯದ ಪ್ರಶ್ನೆ ಪತ್ರಿಕೆಯಲ್ಲಿ
ಸ್ವಾತಂತ್ರ್ಯ ಹೋರಾಟ, ದೇಶದಲ್ಲಿರುವ ರಾಷ್ಟ್ರೀಯ ಉದ್ಯಾನಗಳು, ಕರ್ನಾಟಕ ಮತ್ತು ಭಾರತದ ಇತಿಹಾಸ, ನೈಸರ್ಗಿಕ ವಿಕೋಪಗಳು, ಪ್ರಚಲಿತ ವಿದ್ಯಮಾನಗಳು, ಕ್ರೀಡಾಪಟುಗಳು, ಕಲಾವಿದರು ಮತ್ತು ಅವರ ಸಾಧನೆ… ಮುಂತಾದ ವಿಷಯಕ್ಕೆ ಸಂಬಂಧಿಸಿದ ಪ್ರಶ್ನೆಗಳು ಇರುತ್ತವೆ.

ಮಾಹಿತಿ ಎಲ್ಲಿ ಸಿಗುತ್ತದೆ?
– ಯು ಟ್ಯೂಬ್‌ ಚಾನೆಲ್‌ನಲ್ಲಿ ವಿಶೇಷ ಪಾಠಗಳಿವೆ.
– ರಾಜ್ಯ ಸರ್ಕಾರದ ಗ್ಯಾಜೆಟಿಯರ್‌ ಪ್ರಕಟಿಸಿರುವ ಕರ್ನಾಟಕ ಕೈಪಿಡಿ
– ಎನ್‌ಸಿಈಆರ್‌ಟಿ ಪ್ರಕಟಿಸಿರುವ 6 ರಿಂದ 10 ನೇ ತರಗತಿ ವರೆಗಿನ ಸಮಾಜ ವಿಜ್ಞಾನ ಪುಸ್ತಕಗಳು
– ಎಸ್‌ಡಿಎ ಪರೀಕ್ಷೆಗೆಂದೇ ಹೊಸದಾಗಿ ಮಾರುಕಟ್ಟೆಗೆ ಬಂದಿರುವ ಗೈಡ್‌ಗಳು

ಅಂಕ ಗಳಿಸುವುದು ಹೇಗೆ?
– 2015 ರಿಂದ 2020 ರವರೆಗಿನ ಎಸ್‌ಡಿಎ ಪ್ರಶ್ನೆಪತ್ರಿಕೆಗಳಿಗೆ ಉತ್ತರಿಸುವುದು.
– ಇಂಟರ್ನೆಟ್‌ನಲ್ಲಿ ಸಿಗುವ ಮಾದರಿ ಪ್ರಶ್ನೆಗಳಿಗೆ ಉತ್ತರಿಸುವುದು.
– ದಿನವೂ ತಪ್ಪದೇ ಪೇಪರ್‌ ಓದಿ ಪ್ರಚಲಿತ ವಿದ್ಯಮಾನ ಅರಿಯುವುದು.
– ಯು ಟ್ಯೂಬ್‌ನಲ್ಲಿ ಇರುವ ಪಠ್ಯವನ್ನು ಆಲಿಸುವುದು.
– ಮಹತ್ವದ್ದು ಅನ್ನಿಸುವ ಸಂಗತಿಗಳನ್ನು ನೋಟ್ಸ್‌ ಮಾಡಿಕೊಂಡು ಓದುವುದು.
– ಕ್ಲರ್ಕ್‌ ಪರೀಕ್ಷೆಯಲ್ಲಿ ಪಾಸ್‌ ಆಗಿರುವವರಲ್ಲಿ ಸಲಹೆ ಪಡೆಯುವುದು.