ಪೋಲೆಂಡ್‌ನಲ್ಲಿ ನಡೆಯುತ್ತಿರುವ ವನಿತೆಯರ ಬಾಕ್ಸಿಂಗ್‌ನ 60 ಕೆ.ಜಿ. ವಿಭಾಗದ ಸೆಮಿಫೈನಲ್‌ನಲ್ಲಿ ಏಶ್ಯನ್‌ ಗೇಮ್ಸ್‌ನ ಕಂಚಿನ ಪದಕ ವಿಜೇತೆ ಸರಿತಾ ದೇವಿ ಕಜಕಿಸ್ಥಾನದ ಕರೀನಾ ಇಬ್ರಾಗಿವೋವಾ ವಿರುದ್ಧ 0-5 ಅಂಕಗಳಿ ದ ಸೋತು ಕಂಚಿನ ಪದಕಕ್ಕೆ ತೃಪ್ತಿ ಪಟ್ಟರು. ಶುಕ್ರವಾರ ನಡೆದ ಸೆಮಿಫೈನಲ್‌ನಲ್ಲಿ ಲವಿನಾ ಬೊರ್ಗೊಹೈನ್‌ (69 ಕೆ.ಜಿ.), ಪೂಜಾ ರಾಣಿ (81ಕೆ.ಜಿ.) ಸೋಲನುಭವಿಸಿದ್ದರು.
Advertisement
ಸೀನಿಯರ್‌ ಬಾಕ್ಸರ್‌ಗಳ ಪೈಕಿ ಮೇರಿ ಕೋಮ್‌ (48 ಕೆ.ಜಿ.) ಮತ್ತು ಮನೀಷಾ (54 ಕೆ.ಜಿ.) ಫೈನಲಿಗೇರಿದ್ದರೆ ಮಾಜಿ ಯೂತ್‌ ವಿಶ್ವ ಚಾಂಪಿಯನ್‌ ಜ್ಯೋತಿ ಗೂಲಿಯಾ (51 ಕೆ.ಜಿ.) ಯೂತ್‌ ವಿಭಾಗದಲ್ಲಿ ಫೈನಲಿಗೇರಿದ್ದಾರೆ. ಈ ಕೂಟದಲ್ಲಿ ಕಿರಿಯ ಬಾಕ್ಸರ್‌ಗಳು ಅತ್ಯುತ್ತಮ ಪ್ರದರ್ಶನ ತೋರಿದ್ದಾರೆ. 6 ಚಿನ್ನ, 6 ಬೆಳ್ಳಿ, 1 ಕಂಚಿನ ಪದಕಗಳೊಂದಿಗೆ ಭಾರತದ ಕಿರಿಯರ ತಂಡ 13 ಪದಕ ಗೆದ್ದಿದೆ.