Puttur ನಡು ರಸ್ತೆಯಲ್ಲೇ ಹೊಡೆದಾಟ

ಪುತ್ತೂರು: ನಗರದ ಬಸ್‌ ನಿಲ್ದಾಣ ಸಮೀಪದ ಹೂವಿನ ಮಾರುಕಟ್ಟೆ ಮುಂಭಾಗ ಎರಡು ತಂಡಗಳು ಹೊಡೆದಾಟ ನಡೆಸಿದ ಘಟನೆ ಫೆ. 1ರ ರಾತ್ರಿ ಸಂಭವಿಸಿದೆ.

ಗಾಂಧಿಕಟ್ಟೆ ಸಮೀಪ ಹಣ್ಣು ಹಂಪಲು ವಿತರಣೆಯ ಪಿಕಪ್‌ ವಾಹನದವರು ಮತ್ತು ಮಾರುತಿ 800 ಕಾರಿನಲ್ಲಿದ್ದವರ ನಡುವೆ ಹೊಡೆದಾಟ ನಡೆದಿದೆ. ಹೊಡೆದಾಟದ ವೀಡಿಯೋ ವೈರಲ್‌ ಆಗಿದ್ದು, ಯಾವ ಕಾರಣಕ್ಕೆ ಈ ಹೊಡೆದಾಟ ನಡೆದಿದೆ ಎನ್ನುವ ಮಾಹಿತಿ ಲಭ್ಯವಾಗಿಲ್ಲ.

ಹೊಡೆದಾಟ ನಡುರಸ್ತೆಯವರೆಗೂ ತಲುಪಿದಾಗ ಸ್ವಲ್ಪ ಹೊತ್ತು ಟ್ರಾಫಿಕ್‌ ಜಾಮ್‌ ಆಗಿದೆ.