ಮುಂಬಯಿ: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಅಂಗಸಂಸ್ಥೆಯಾದ ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್ (ಆರ್‌ಆರ್‌ವಿಎಲ್) ಗುರುವಾರದಂದು ಮೆಟ್ರೋ ಕ್ಯಾಶ್ ಅಂಡ್ ಕ್ಯಾರಿ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ನಲ್ಲಿ (‘ಮೆಟ್ರೋ ಇಂಡಿಯಾ’) ಶೇ 100ರಷ್ಟು ಈಕ್ವಿಟಿ ಪಾಲನ್ನು ಪಡೆಯಲು ನಿರ್ಣಾಯಕ ಒಪ್ಪಂದಗಳಿಗೆ ಸಹಿ ಹಾಕಿದೆ. ಮುಕ್ತಾಯದ ಹೊಂದಾಣಿಕೆಗಳಿಗೆ ಒಳಪಟ್ಟು ರೂ. 2,850 ಕೋಟಿಗಳ ಒಟ್ಟು ನಗದು ಮೊತ್ತವನ್ನು ಪಾವತಿ ಮಾಡಲಿದೆ.
ಮೆಟ್ರೋ ಇಂಡಿಯಾ 2003ರಲ್ಲಿ ಭಾರತದಲ್ಲಿ ಕ್ಯಾಶ್ ಅಂಡ್ ಕ್ಯಾರಿ (ನಗದು ಪಾವತಿಸಿ ಸರಕು ಒಯ್ಯುವ) ವ್ಯವಹಾರ ಸ್ವರೂಪವನ್ನು ಪರಿಚಯಿಸುವ ಮೊದಲ ಕಂಪನಿಯಾಗಿ ಭಾರತದಲ್ಲಿ ಕಾರ್ಯಾಚರಣೆಯನ್ನು ಪ್ರಾರಂಭಿಸಿತು.
ಸದ್ಯಕ್ಕೆ 21 ನಗರಗಳಲ್ಲಿ ಸುಮಾರು 3,500 ಉದ್ಯೋಗಿಗಳೊಂದಿಗೆ 31 ದೊಡ್ಡ ಸ್ವರೂಪದ ಅಂಗಡಿಗಳನ್ನು ನಿರ್ವಹಿಸುತ್ತದೆ. ಬಹು-ಚಾನೆಲ್ ಬಿಜಿನೆಸ್ ಟು ಬಿಜಿನೆಸ್ (B2B) ಕ್ಯಾಶ್ ಅಂಡ್ ಕ್ಯಾರಿ ಸಗಟು ಮಾರಾಟಗಾರ ಆದ ಮೆಟ್ರೋ ಭಾರತದಲ್ಲಿ 3 ಮಿಲಿಯನ್ ಗ್ರಾಹಕರನ್ನು ತಲುಪಿದೆ. ಅದರಲ್ಲಿ 1 ಮಿಲಿಯನ್ ಜನರು ಅದರ ಸ್ಟೋರ್ ನೆಟ್‌ವರ್ಕ್ ಮತ್ತು eB2B ಅಪ್ಲಿಕೇಷನ್ ಮೂಲಕ ಆಗಾಗ ಖರೀದಿಸುತ್ತಿದ್ದಾರೆ.
ಮಳಿಗೆಗಳು ಮತ್ತು ಇತರ ಸಣ್ಣ ವ್ಯಾಪಾರಗಳು ಹಾಗೂ ವ್ಯಾಪಾರಿಗಳಿಗೆ ವಿಶ್ವಾಸಾರ್ಹ ಪಾಲುದಾರನಾಗಿ ಮೆಟ್ರೋ ಇಂಡಿಯಾ ತನ್ನನ್ನು ಗುರುತಿಸಿಕೊಂಡಿದೆ. 2021/22 ಹಣಕಾಸು ವರ್ಷದಲ್ಲಿ (ಸೆಪ್ಟೆಂಬರ್ 2022ಕ್ಕೆ ಕೊನೆಗೊಂಡ ಹಣಕಾಸು ವರ್ಷ), ಮೆಟ್ರೋ ಇಂಡಿಯಾ ರೂ. 7700 ಕೋಟಿ (€ 926 ಮಿಲಿಯನ್) ಮಾರಾಟವನ್ನು ಮಾಡಿದೆ, ಇದು ಭಾರತಕ್ಕೆ ಮಾರುಕಟ್ಟೆ ಪ್ರವೇಶಿಸಿದಾಗಿನಿಂದ ಅದರ ಅತ್ಯುತ್ತಮ ಮಾರಾಟವಾಗಿದೆ.
ಇದೀಗ ಈ ಸ್ವಾಧೀನದ ಮೂಲಕ ರಿಲಯನ್ಸ್ ರೀಟೇಲ್ ಪ್ರಮುಖ ನಗರಗಳಾದ್ಯಂತ ಪ್ರಮುಖ ಸ್ಥಳಗಳಲ್ಲಿ ನೆಲೆಗೊಂಡಿರುವ ಮೆಟ್ರೋ ಇಂಡಿಯಾ ಸ್ಟೋರ್‌ಗಳ ವ್ಯಾಪಕ ನೆಟ್‌ವರ್ಕ್‌ಗೆ ಪ್ರವೇಶ ಪಡೆಯುತ್ತದೆ. ನೋಂದಾಯಿತ ಮಳಿಗೆಗಳು ಮತ್ತು ಇತರ ಸಾಂಸ್ಥಿಕ ಗ್ರಾಹಕರು, ಬಲವಾದ ಪೂರೈಕೆದಾರ ನೆಟ್‌ವರ್ಕ್ ಮತ್ತು ಭಾರತದಲ್ಲಿ ಮೆಟ್ರೋ ಜಾರಿಗೊಳಿಸಿದ ಕೆಲವು ಜಾಗತಿಕ ಉತ್ತಮ ಪದ್ಧತಿಗಳಾಗಿವೆ.
ಈ ಸ್ವಾಧೀನವು ರಿಲಯನ್ಸ್ ರೀಟೇಲ್‌ನ ಭೌತಿಕ ಅಂಗಡಿಯ ಹೆಜ್ಜೆಗುರುತು ಮತ್ತು ಪೂರೈಕೆ ಸರಪಳಿ ನೆಟ್‌ವರ್ಕ್‌ಗಳು, ತಂತ್ರಜ್ಞಾನ ಪ್ಲಾಟ್‌ಫಾರ್ಮ್‌ಗಳು ಮತ್ತು ಸೋರ್ಸಿಂಗ್ ಸಾಮರ್ಥ್ಯಗಳಾದ್ಯಂತ ಒಗ್ಗೂಡಿಸುವಿಕೆ ಮತ್ತು ದಕ್ಷತೆಯನ್ನು ಹೆಚ್ಚಿಸುವ ಮೂಲಕ ಗ್ರಾಹಕರು ಹಾಗೂ ಸಣ್ಣ ವ್ಯಾಪಾರಿಗಳಿಗೆ ಉತ್ತಮ ಸೇವೆ ನೀಡುವ ಸಾಮರ್ಥ್ಯವನ್ನು ಇನ್ನಷ್ಟು ಬಲಪಡಿಸುತ್ತದೆ. ರೀಟೇಲ್ ಪರಿಸರ ವ್ಯವಸ್ಥೆಯಲ್ಲಿನ ಎಲ್ಲ ಷೇರುದಾರರಿಗೆ ಹೆಚ್ಚಿನ ಮೌಲ್ಯ ಸೃಷ್ಟಿಸುತ್ತದೆ.
