Maharashtra Polls: ಪ್ರಾಣ ಬೆದರಿಕೆ ನಡುವೆ ಮತ ಹಾಕಿ ಫೋಟೋ ತೆಗೆಸಿದ ಸಲ್ಮಾನ್‌!

ಮುಂಬೈ: ಬಿಷ್ಣೋಯಿ ಗ್ಯಾಂಗ್‌ನಿಂದ ಜೀವಬೆದರಿಕೆ ಎದುರಿಸುತ್ತಿರುವ ಹೊರತಾಗಿಯೂ, ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌, ಮತಗಟ್ಟೆಗೆ ತೆರಳಿ ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಭಾರಿ ಭದ್ರತೆಯೊಂದಿಗೆ, ಮುಂಬೈನ ಮೌಂಟ್‌ ಮೇರಿ ಶಾಲೆಗೆ ಆಗಮಿಸಿದ ಸಲ್ಮಾನ್‌ ಮತ ಚಲಾಯಿಸಿದರು. ಮತಗಟ್ಟೆಯ ಸುತ್ತ ನೆರೆದಿದ್ದ ಅಭಿಮಾನಿಗಳತ್ತ ಕೈ ಬೀಸಿದ ಅವರು, ಫ್ಲೈಯಿಂಗ್‌ ಕಿಸ್‌ ಕೂಡ ನೀಡಿದ್ದಾರೆ.

ಭದ್ರತೆಯ ನಡುವೆಯೇ ಹಲವು ಅಭಿಮಾನಿಗಳೊಡನೆ ಫೋಟೋಗಳನ್ನೂ ತೆಗೆಸಿಕೊಂಡಿದ್ದಾರೆ. ಸಲ್ಮಾನ್‌ ಮತಗಟ್ಟೆಗೆ ಆಗಮಿಸುವ ಮತ್ತು ನಿರ್ಗಮಿಸುವ ಕ್ಷಣಗಳನ್ನು ಹಲವು ಅಭಿಮಾನಿಗಳು ಚಿತ್ರೀಕರಿಸಿದ್ದಾರೆ.