ಪಾಕ್‌ ಪ್ರಯಾಣ ಮರು ಪರಿಶೀಲಿಸಿ: ಅಮೆರಿಕನ್ನರಿಗೆ ಸೂಚನೆ

ವಾಷಿಂಗ್ಟನ್‌ : ಪಾಕಿಸ್ಥಾನ ಜತೆಗಿನ ತನ್ನ ದ್ವಿಪಕ್ಷೀಯ ಸಂಬಂಧಗಳು ಈಚಿನ ದಿನಗಳಲ್ಲಿ ತೀವ್ರವಾಗಿ ಹದಗೆಟ್ಟಿರುವುದರಿಂದ ಆ ದೇಶದ ಉಗ್ರರಿಂದ ತನ್ನ ಪ್ರಜೆಗಳಿಗೆ ಇರುವ ಬೆದರಿಕೆಗಳ ಪುನರವಲೋಕನ ನಡೆಸಿರುವ ಅಮೆರಿಕ, ಪಾಕ್‌ ಪ್ರವಾಸ ಕೈಗೊಳ್ಳುವ ತನ್ನ ಪ್ರಜೆಗಳಿಗೆ ತಮ್ಮ ಪ್ರಯಾಣವನ್ನು ಮರು ಪರಿಶೀಲಿಸುವಂತೆ ಕೇಳಿಕೊಂಡಿದೆ. 

ಅಮೆರಿಕದ ವಿದೇಶಾಂಗ ಇಲಾಖೆ ತನ್ನ ಪ್ರಜೆಗಳಿಗೆ ನೀಡಿರುವ ಈ ಮಾರ್ಗದರ್ಶಿ ಸೂತ್ರಗಳು ಕೇವಲ ಪಾಕ್‌ ಪ್ರವಾಸಕ್ಕೆ ಮಾತ್ರವೇ ಸಂಬಂಧಿಸಿಲ್ಲ; ಬದಲು ಅದರ ಇತರ ಪ್ರಾಂತ್ಯಗಳಾಗಿರುವ ಬಲೂಚಿಸ್ಥಾನ, ಖೈಬರ್‌ ಫ‌ಕೂ¤ನ್‌ ಖ್ವಾ ಮತ್ತು ಪಾಕ್‌ ಒಕ್ಕೂಟ ಆಡಳಿತೆಗೆ ಒಳಪಟ್ಟ ಬುಡಕಟ್ಟು ಪ್ರದೇಶಗಳಿಗೆ ಕೂಡ ಸಂಬಂಧಿಸಿದೆ. 

ಪಾಕಿಸ್ಥಾನ ಮತ್ತು ಅದರ ಇತರ ಪ್ರಾಂತ್ಯಗಳಲ್ಲಿ ಭಯೋತ್ಪಾದಕರು ಸಕ್ರಿಯರಾಗಿದ್ದಾರೆ; ಅವರು ಯಾವುದೇ ಪೂರ್ವ ಎಚ್ಚರಿಕೆಗಳನ್ನು ನೀಡದೆಯೇ ವಿದೇಶಿ ಪ್ರವಾಸಿಗರ ಮೇಲೆ ಇದ್ದಕ್ಕಿದ್ದಂತೆಯೇ ದಾಳಿ ನಡೆಸುವ ಅಪಾಯವಿದೆ; ಆದುದರಿಂದ ಪಾಕ್‌ ಸಹಿತ ಅದರ ಇತರ ಪ್ರಾಂತ್ಯಗಳಿಗೆ ಪ್ರಯಾಣಿಸುವದನ್ನು ಅಮೆರಿಕನ್‌ ಪ್ರಜೆಗಳು ಪುನರ್‌ ಪರಿಶೀಲಿಸಬೇಕು ಎಂದು ವಿದೇಶಾಂಗ ಇಲಾಖೆ ಸೂಚಿಸಿದೆ.