ಚೆನ್ನೈ: ಸೂಪರ್‌ ಸ್ಟಾರ್ ರಜಿನಿಕಾಂತ್ ಅವರಿಗೆ ಪ್ಯಾನ್‌ ಇಂಡಿಯಾದಲ್ಲಿ ದೊಡ್ಡ ಅಭಿಮಾನಿಗಳ ವರ್ಗವೇ ಇದೆ. ಸಿನಿಮಾ ಮಾತ್ರವಲ್ಲದೆ ರಜಿನಿ ತನ್ನ ಸರಳ ವ್ಯಕ್ತಿತ್ವದಿಂದಲೇ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ. ಆದರೆ ಇತ್ತೀಚೆಗೆ ಅವರು ತನ್ನ ಕೆಲಸದಾಕೆಯನ್ನು ನಡೆಸಿಕೊಂಡ ರೀತಿಗೆ ಅನೇಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಉದ್ಯಮಿ ಮುಖೇಶ್ ಅಂಬಾನಿ ಪುತ್ರ ಅನಂತ್ ಅಂಬಾನಿ ಮದುವೆ ಪೂರ್ವ ಸಮಾರಂಭದಲ್ಲಿ ರಜಿನಿಕಾಂತ್, ಪತ್ನಿ ಹಾಗೂ ಅವರ ಮಗಳು ಭಾಗಿಯಾಗಿದ್ದಾರೆ. ಈ ವೇಳೆ ರಜಿನಿ ಕುಟುಂಬ ಮನೆ ಕೆಲಸದಾಕೆಯನ್ನು ತನ್ನೊಂದಿಗೆ ಕರೆದುಕೊಂಡು ಹೋಗಿದೆ.
ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಮದುವೆ ಪೂರ್ವಕ್ಕೆ ಬಂದ ವೇಳೆ ಮಾಧ್ಯಮದವರು ರಜಿನಿ ಅವರ ಫೋಟೋ ತೆಗೆಯಲು ಮುಂದಾಗಿದ್ದಾರೆ. ಈ ವೇಳೆ ರಜಿನಿ ಮಾಧ್ಯಮಕ್ಕೆ ತನ್ನ ಕುಟುಂಬದ ಜೊತೆ ಫೋಟೋ ತೆಗೆಲು ಪೋಸ್ ಕೊಟ್ಟಿದ್ದಾರೆ. ಆದರೆ ರಜಿನಿ ಕುಟುಂಬದ ಜೊತೆ ಬಂದ ಕೆಲಸದಾಕೆಯೂ ರಜಿನಿ ಫೋಟೋಗಾಗಿ ಕರೆದಾಗ ಬಂದಿದ್ದಾರೆ. ಆದರೆ ಈ ವೇಳೆ ರಜಿನಿಕಾಂತ್ ಕೆಲಸದಾಕೆಯನ್ನು ದೂರವಿರುವಂತೆ ಕೈ ಸನ್ನೆ ಮಾಡಿದ್ದಾರೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸರಳ ವ್ಯಕ್ತಿತ್ವದ ರಜಿನಿಕಾಂತ್ ಅವರು ಈ ರೀತಿ ಮಾಡಿದ್ದು ಸರಿಯಲ್ಲ. ರಜಿನಿಕಾಂತ್ ಅವರ ಈ ವರ್ತನೆ ಸರಿಯಲ್ಲ. ಅವರು ಒಟ್ಟಿಗೆ ಇದ್ದಿದ್ದರೆ ಏನಾಗುತ್ತಿತ್ತು ಎಂದು ಕೆಲವರು ಕಮೆಂಟ್‌ ಮಾಡಿದ್ದಾರೆ.
ಆದರೆ ಕೆಲವರು ರಜಿನಿಕಾಂತ್ ಅವರು ಫ್ಯಾಮಿಲಿ ಪೋಟೋಗಾಗಿ ಪೋಸ್ ನೀಡಿದ್ದಾರೆ. ಹಾಗಾಗಿ ಅವರು ಹೀಗೆ ಮಾಡಿದ್ದಾರೆ ಎಂದು ಅವರ ಬೆಂಬಲಕ್ಕೆ ನಿಂತಿದ್ದಾರೆ.
ಸಿನಿಮಾ ವಿಚಾರಕ್ಕೆ ಬಂದರೆ ಇತ್ತೀಚೆಗೆ ರಜಿನಿಕಾಂತ್ ʼಲಾಲ್ ಸಲಾಂʼ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಸದ್ಯ ಅವರು ʼವಟ್ಟೈಯನ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.
