ಪ್ರೇಮಕುಮಾರಿಗೆ ಸಿಕ್ಕಿದ್ದು ಕೇವಲ 16 ಮತಗಳು ಮಾತ್ರ!

ಮೈಸೂರು: ಕೆ.ಆರ್‌ ಕ್ಷೇತ್ರದ ಬಿಜೆಪಿ ಶಾಸಕ ಎಸ್‌.ಎ.ರಾಮ್‌ದಾಸ್‌ ಅವರೊಂದಿಗಿನ  ಪ್ರೇಮ ಪ್ರಕರಣದ ಮೂಲಕ  ಆಗೋಮ್ಮೆ ಈಗೊಮ್ಮೆ  ಸುದ್ದಿಯಾಗುವ ಪ್ರೇಮಕುಮಾರಿ ಅವರನ್ನು ಮೈಸೂರು ಮಹಾ ನಗರ ಪಾಲಿಕೆಯ ಮತದಾರರು ತಿರಸ್ಕರಿಸಿದ್ದಾರೆ.  

ಕುವೆಂಪು ನಗರ ಸಿಐಟಿಬಿ ಕಾಲೋನಿಯಿಂದ ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿದಿದ್ದ  ಪ್ರೇಮಕುಮಾರಿ ಹೀನಾಯವಾಗಿ ಸೋಲನ್ನಪ್ಪಿದ್ದಾರೆ. 

ಶಾಸಕ ರಾಮ್‌ದಾಸ್‌ ಮನೆ ಮುಂದೆ ಮಲಗಿ ನ್ಯಾಯ ಕೇಳಿದ್ದ ಪ್ರೇಮಕುಮಾರಿ ಅವರಿಗೆ ಕೇವಲ 16 ಮತಗಳು ಮಾತ್ರ ದೊರಕಿವೆ.

ವಿಧಾನಸಭಾ ಚುನಾವಣೆಯಲ್ಲಿ ರಾಮ್‌ದಾಸ್‌ ವಿರುದ್ದ ಕಣಕ್ಕಿಳಿಯುವುದಾಗಿ ಘೋಷಿಸಿದ್ದ ಪ್ರೇಮಕುಮಾರಿ ಕೊನೆ ಕ್ಷಣದಲ್ಲಿ ಹಿಂದಕ್ಕೆ ಸರಿದಿದ್ದರು.