ಭಂಡಾರ್ಕರ್‌ ಕೊಲೆಗೆ ಸಂಚು: ಪ್ರೀತಿ ಜೈನ್‌ಗೆ 3 ವರ್ಷ ಶಿಕ್ಷೆ

ಮುಂಬಯಿ: ಚಿತ್ರ ನಿರ್ಮಾಪಕ ಮಧುರ್‌ ಭಂಡಾರ್ಕರ್‌ ಕೊಲೆಗೆ ಸಂಚು ರೂಪಿಸಿದ ಪ್ರಕರಣ ಸಂಬಂಧ ರೂಪದರ್ಶಿ ಪ್ರೀತಿ ಜೈನ್‌ ಅವರಿಗೆ ಇಲ್ಲಿನ ಸೆಷನ್ಸ್‌ ನ್ಯಾಯಾಲಯ 3 ವರ್ಷಗಳ ಜೈಲುಶಿಕ್ಷೆ ವಿಧಿಸಿದೆ. ಜೈನ್‌ ಅವರು ಭೂಗತ‌ ಲೋಕದ ಡಾನ್‌ ಅರುಣ್‌ ಗೌಲಿ ಸಹಚರ ನರೇಶ್‌ ಪರ್ದೇಶಿಗೆ 70 ಸಾವಿರ ರೂ. ನೀಡಿ, ಭಂಡಾರ್ಕರ್‌ ಕೊಲೆಗೆ ಸೂಚಿಸಿದ್ದರು. ಈ ಅಪರಾಧಕ್ಕಾಗಿ ಜೈನ್‌, ನರೇಶ್‌ ಮತ್ತು ಶಿವರಾಮ್‌ ದಾಸ್‌ಗೆ ಕೋರ್ಟ್‌ ಮೂರು ವರ್ಷಗಳ ಶಿಕ್ಷೆ ಪ್ರಕಟಿಸಿದೆ. ಕೊಲೆ ಆರೋಪದ ನಂತರ ಜೈನ್‌ ಅವರು ಭಂಡಾರ್ಕರ್‌ ವಿರುದ್ಧ ಅತ್ಯಾಚಾರ ಆರೋಪವನ್ನೂ ದಾಖಲು ಮಾಡಿದ್ದರು. ಚಿತ್ರದಲ್ಲಿ ಪಾತ್ರ ಕೊಡಿಸುವುದಾಗಿ ಮೋಸ ಮಾಡಿ ನನ್ನ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದರು ಎಂದು ಆಕೆ ದೂರು ದಾಖಲಿಸಿದ್ದರು.