ದಿಲ್ಲೀಲಿ ಚಳಿಗಾಲದಲ್ಲೇ ದಾಖಲೆ 4 ಸೆ.ಮೀ. ಮಳೆ: 101 ವರ್ಷದಲ್ಲೇ ಮೊದಲು

ನವದೆಹಲಿ: ದೆಹಲಿಯಲ್ಲಿ ಚಳಿಗಾಲದ ಮಳೆ ಹೊಸ ದಾಖಲೆ ಬರೆದಿದೆ. ಶುಕ್ರವಾರದಿಂದೀಚೆಗೆ ರಾಷ್ಟ್ರ ರಾಜಧಾನಿಯಲ್ಲಿ ಭಾರೀ ಮಳೆಯಾಗುತ್ತಿದ್ದು, ಶನಿವಾರ ಬೆಳಗ್ಗೆ 8:30ರವರೆಗೆ 24 ಗಂಟೆಗಳಲ್ಲಿ 41.2 ಮಿ.ಮೀ.(4.1 ಸೆ.ಮೀ.) ಮಳೆಯಾಗಿದೆ.

ಈ ಮೂಲಕ ದೆಹಲಿ ಇತಿಹಾಸದಲ್ಲಿ 101 ವರ್ಷಗಳ ಬಳಿಕ ಡಿಸೆಂಬರ್‌ನ ದಿನವೊಂದರಲ್ಲಿ ಸುರಿದ ಅತ್ಯಧಿಕ ಮಳೆಯೆಂಬ ದಾಖಲೆ ಬರೆದಿದೆ.

1923ರ ಡಿ.3ರಂದು 75.7 ಮಿ.ಮೀ.(7.5 ಸೆ.ಮೀ.) ಮಳೆಯಾಗಿತ್ತು. ಏತನ್ಮಧ್ಯೆ ಭಾನುವಾರವೂ ಮಳೆ ಮುಂದುವರಿಯಲ್ಲಿದ್ದು, ಹವಾಮಾನ ಇಲಾಖೆ ಹಳದಿ ಅಲರ್ಟ್‌ ಘೋಷಿಸಿದೆ.