Election Campaign ಪಿಒಕೆ ಮರಳಿ ಪಡೆದೇ ತೀರುತ್ತೇವೆ: ಅಮಿತ್‌ ಶಾ

ಶಿಮ್ಲಾ: ಪಾಕ್‌ ಆಕ್ರಮಿತ ಕಾಶ್ಮೀರ ಭಾರತದ ಭಾಗ, ಇದು ನಮ್ಮದೇ, ನಮ್ಮದಾಗಿಯೇ ಇರುತ್ತದೆ ಮತ್ತು ನಾವಿದನ್ನು ಮರಳಿ ಪಡೆಯುತ್ತೇವೆ ಎಂದು ಕೇಂದ್ರ ಸಚಿವ ಅಮಿತ್‌ ಶಾ ಹೇಳಿದರು.

ಉನಾ ಜಿಲ್ಲೆಯ ಅಂಬ್‌ ನಗರದಲ್ಲಿ ಚುನಾವಣಾ ರ್‍ಯಾಲಿಯಲ್ಲಿ ಮಾತನಾಡಿ, ಪಾಕಿಸ್ತಾನದ ಬಳಿ ಆ್ಯಟಂ ಬಾಂಬ್‌ ಇದೆ ಎಂದು ಕಾಂಗ್ರೆಸ್‌ ಹೆದರಿಸುತ್ತಿದೆ.

ಆದರೆ ಪಾಕ್‌ ಆಕ್ರಮಿತ ಭಾಗ ಎಂದಿಗೂ ನಮ್ಮದೇ. 370ನೇ ವಿಧಿ ತೆಗೆದ ನಂತರ ರಕ್ತದ ಹೊಳೆ ಹರಿಯುತ್ತದೆಂದು ಕಾಂಗ್ರೆಸ್‌ ನಾಯಕರು ಹೇಳಿದ್ದರು. ಆದರೆ, ಒಂದೇ ಒಂದು ಕಲ್ಲು ತೂರಾಟದ ಘಟನೆ ನಡೆದಿಲ್ಲ. ಪ್ರಧಾನಿ ಮೋದಿ ನೇತೃತ್ವದ ಸರ್ಕಾರ ಭಯೋತ್ಪಾದನೆ ಎದುರಿಸಬಲ್ಲದು ಎಂದು ಹೇಳಿದರು.